Ilinniartitaaneq piginnaasatigullu ineriartortitsineq suliniaqatigiiffiit ilaasortalu sulineranni pingaartinneqartorujussuupput. Tassanilu ingerlanneqartoq ”Sulifeqarfiit atuarfinnut – atuarfiit suliffeqarfinnut” atuarfiit, kommunit inuussutissarsiornermillu ingerlataqartut akornanni imminnut qanilaarnerusumik suleqatigiilernissaannik pilersitsisinnaavoq.

Suliffeqarfiit atuarfinnut – atuarfiit suliffeqarfinnut

SA-AS

Ilinniartitaaneq piginnaasatigullu ineriartortitsineq suliniaqatigiiffiit ilaasortalu sulineranni pingaartinneqartorujussuupput. Tassanilu ingerlanneqartoq ”Sulifeqarfiit atuarfinnut – atuarfiit suliffeqarfinnut” atuarfiit, kommunit inuussutissarsiornermillu ingerlataqartut akornanni imminnut qanilaarnerusumik suleqatigiilernissaannik pilersitsisinnaavoq.

Angorusutat imarisaasullu

Ingerlanneqartoq tunngaviusumi 8. aamma 9. klassini atuartunut naleqqussagaavoq ingerlanneqarluni atuarfinni sisamani immikkut toqqagaasuni. Pingaarnertut anguniagaavoq atuartut tunngaviusumik atuarfimmi naammassigunik ilinniarfinnut ingerlaqqinnissamut kaammattornissaat, tamannalu ingerlanniarneqarpoq annertusisamik atuarfiit qanigisamilu suliffeqarfiit suleqatigiilersinnerisigut. CSR-imit neriuutigineqarpoq kingusinnerusukkut ingerlanneqartup nunatsinni sumiiffinnut allanut siammariartortinnissaa, maanna ingerlanneqartunit angusat aallaavigalugit.

Anguniakkat

Suliffeqarfiit kissaatigivaat tunngaviusumik atuarfimmi atuartut angajulliit suliffiusup suuneranik paasinninnerulersinnissaat aammalu suliffiit ilinniarneqarsinnaasullu suunerinik pitsaanerusumik paasinnillutik, angusaqarumanerulerlutik, ilinniartitsisut aqutsisullu aamma inerisarumallugit pitsaanerusumik siunnersuisinnaasunngornissamut kiisalu ilitsersuinermut, sungiusarluni sulisitsisarnernut tulluussaanernullu atuarfiit suliffeqarfiillu akornanni suleqatigiilluarnerulernissaq pilersikkumallugu.

Pingaarnertut ingerlanneqartoq aqqutigalugu makku anguneqarsinnaassasut isumalluaatigineqarlutik natsorsuutigineqarput:

  • Attavittaartorneq aammalu atuarfiit inuussutissarsiornermillu ingerlataqartut nukittunerusumik attaveqalernissaat
  • Tunngaviusumik atuarfimmi atuartut angajulliit ilinniagassanik imminnut naleqquttunik toqqaanissamut tunngavissaqartinneqarnerulernissaat
  • Atuarfinni ilinniartitsisut siunnersuinermillu suliaqartut tunngavissaannik ineriartortitsillunilu pitsanngorsaanissaq

Ingerlanneqartumi peqataasut

”Suliffeqarfiit atuarfinnut – atuarfiit suliffeqarfinnut” CSR Greenlandimit ingerlanneqarpoq. Ingerlanneqartoq aqqutigalugu sumiiffiusuni inuussutissarsiornermik ingerlataqartut atuarfiillu toqqagaasut sisamat, CSR Greenland-ip suliffeqarfiit ilaasortarisaalu, ilaat nunarput tamakkerlugu ingerlatsisuusut, ataatsimoorfeqalersinneqarput. Aammali suliffeqarfiit CSR Greenlandimut ilaasortaanngikkaluarlutik ingerlanneqartumi peqataasinnaapput.

Aqutseqatigiittut sulisinneqartut, ataani sukumiinerusumik sammineqartut, illoqarfinni assigiinngitsuni sisamani (kommunini ataasiakkaani atuarfik ataaseq tunngavigalugu) atuarfinnik ingerlanneqartumi peqataasussanik toqqaasimapput. Atuarfiillu sisamaasut ukuupput:

  • Qaqortoq – Tasersuup Atuarfia
  • Paamiut – Atuarfik Tuiisaq
  • Sisimiut – Minngortuunguup Atuarfia
  • Aasiaat – Gammeqarfik
Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt