IPUK Ataatsimeersuarneq

CSR Greenland Sulisitsisullu suliniutaat ’IPUK – piujuartitsineq aallaavigalugu ineriartorneq’ 26. april 2022 ataatsimeersuartitsinermik inuussutissarsiortunit 60-t missaannik amerlassusilinnik peqataaffigineqartumik naammassineqarpoq.

Inuussutissarsiornermi piujuartitsineq aallaavigalugu ineriartortitsinermi sammiviit uku takornariaqarneq, sanaartorneq, aallarnisaaneq kiisalu peqqissuseq aammalu sulisoqarneq aqqutigalugu peqataatitsineq ataatsimeersuarnermi qitiutinneqarput.

CSR Greenland 2022-imi ukiup affaata aappaani IPUK aallaavigalugu nutaamik pikkorissaatitsinissaq pilersaarutigaa. Pikkorissaanissaq pillugu paasissutissat www.csr.gl-imi kiisalu nutaarsiassiinikkut saqqummiunneqassapput.