CSR Oqaluttuassartaa

CSR Greeland ukioq 2010 pilersinneqarpoq Air Greenlandimit, GrønlandsBANKENimit, Nunatsinni Sulisitsisut Peqatigiiffiannit, Royal Arctic Line-imit Kompetancekompagnimillu. Pilersitsinermi aallaavigineqarput Kalaallit Nunaanni inuit atugaasa iluini unamminartorpassuit, pilersikkumaneqarluni ingerlanneqartut assigiinngitsut akimorlugit suleqatissarsiorlunilu oqaloqateqartalernissaq, Kalaallit Nunaanni inuussutissarsiortut CSR-imit suliffeqarfinnut piumasarisaasut naammassinnaanerannut iluaqutaasumik, eqqarsaatigalugit suliffeqarfiit aatsitassarsiornermut aallartikkiartortumut pilersuisoorusuttuusut.

[pdf-embedder url=”http://csr.nunamedia.net/wp-content/uploads/2018/07/csr-greenland-2020-for-et-bredygtigt-samfund.pdf”]

CSR tassaavoq Corporate Social Responsibility – naalisarlugu CSR – qitiusumillu ataatsimoorfigisaq tassaavoq suliffeqarfiit inuiaqatigiinni akisussaaqataasuunerat.

Allatut oqaatigalugu aallaavigineqarpoq, suliffeqarfiit aatsaat iluatsittumik ingerlasinnaasut, inuiaqatigiit pitsaasumik ineriartorpata. Saniatigullu, ineriartornissaq isumannaarumallugu, inuiaqatigiit pisariaqartikkaat suliffeqarfiit iluatsilluartumik ingerlasut. Allatut oqaatigalugu CSR tassaavoq, ataatsimut kivitsinissaq tamat iluaqutigisassaannik angujumallugu suleqatigiiffissiaq.

Aamma anguniarneqarpoq suliffeqarfittut sunniutinik pitsaasuunngitsunik tigusariaqartarsinnaanerup artunnginnissaa, siammasissumik imatut paasillugu (avatangiisinik mingutsiterinerit, sulinermi ajutoornerit il.il.) aammalu taamaattut pigaluartut ajunngitsortaasinnaasunik isiginninniartuarsinnaanissaq, soorlu assersuutigalugit makku eqqarsaatigalugit (ilinniartitaaneq, sumiiffigisani ineriartortitsinerit, najugaqarfigisat eqqarsaatigalugit).

FN Global Compact-imiipput inuit piginnaatitaaffii pillugit tunngavigisat quliusut, sulisorineqartutut piginnaatitaaffiit, avatangiisinik illersuinissamut tunngasut aammalu peqquserlutsaaliuinissamut tunngasut, taakkulu suliffeqarfiit peqataasut sulinerminni aallaavigissallugit pisussaaffiligaapput aammalu nalunaarusiortarnissamut pisussaaffigiligaallutik. Global Compact nunarsuarmi CSR-imik tunngaveqarluni sulinermi piginneqatigiiffiit sulifeqarfissuillu akimorlugit akornanni suleqatigiissutitut siammaannikuuvoq.

CSR Greenland soqutigisaqaqatigiiffittut FN-ip ataani Global Compact-imut ilanngunnikuuvoq CSR-imilu allattoqarfimmi pisortaq taassuma nunani avannarlerni attaveqarfigisaani aqutsisooqatigiinni issiaqataavoq.
Uani tunngaviusumik maleruagassiat quliusut atuakkit
FN-ip ataani  Global Compact uani annertunerusumik paasiniaaffigiuk
aammalu suliniaqatigiiffiup nunani avannarlerni attaveqarfigisai uani paasiniarlugit alakkaagit