IPUK
Piujuartitsineq aallaavigalugu niuernikkut aningaasarsiornikkullu Kalaallit Nunaanni ineriartortitsineq
Kalaallit Nunaanni nunarsuarlu tamaat piujuartitsinissamut aaqqiissutissanut ukkatarinninnissaq pisisartuniit, suliffeqarfinniit, sulisuniit aningaasaliisartuniillu kissaatigineqarneruleriartorpoq. Kissaatigineqartullu siammasipput aamma inooqatigiinnikkut, aningaasaqarnikkut avatangiiseqarnikkullu piujuartitsinermik tunngaveqartumik ingerlatsinissaq kissaatigineqarpoq.
Taamaattumik suliffeqarfiit ingerlatsinerminnut aamma periusissiornerminni piujuartitsineq eqquttariaqarpaat – ineriartortitsisarmat, suliffissanik pilersitsisarmat inuiaqatigiinnilu pitsaasumik ineriartortitsisarmat.
Kalaallit Nunaanni inuussutissarsiorneq pitsaasumik ineriartornissaa Sulisitsisut aamma CSR Greenlandip sulissutigaa, taamaasilluni suliniutini aallarnisakkani unammillersinnaaneq piujuartitsinerlu ingiaqatigiissillugit ingerlanneqarniassammata assersuutigalugu atortulersuutini, takornarialerinermi aalisarnermilu.
Piujuartitsineq periusissiornermi ilanngunneqaraangat suliffeqarfiullu niuerneranut naleqqutileraangat, niuernissamut periarfissanik nutaanik ammaassisarpoq unammillersinnaassuserlu nutaaq aamma pilersinneqartarluni.
Taannalu tunngavigalugu Sulisitsisut aamma CSR Greenland, GrønlandsBANKEN aamma Greenland Holding suleqatigalugit suliniut ”IPUK – piujuartitsineq aallaavigalugu ineriartorneq” aallartippaat. Siunertaa tassaavoq piujuartitsineq aallaavigalugu ingerlatseriaaseq aamma FN-ip nunarsuarmi anguniagai aallaavigalugit Kalaallit Nunaanni ineriartortitsinissaq suliffissanillu pilersitsiortornissaq. Suliniut Industriens Fondimiit aningaasalerneqarpoq.
Suliniut kalaallit suliffeqarfiutaannit aqqaniliusunit peqataaffigineqarpoq, qaammatillu qulingiluat ingerlanerani suliniutissanik nutaanik pilersitsisoqarnissaq sulissutigineqarpoq, suliniutillu suliffeqarfiup aningaasaqarneranut iluaqutaassapput Kalaallit Nunaannilu piujuartitsineq aallavigalugu ineriartorneq taperserneqassalluni. Misilittakkat, atortussat periuutsillu tamarmik quppernermi uani aaneqarsinnaanngussapput suliniummilu ingerlatsisut suliniutaanni siammarterneqassallutik.
Suliniut naatsorsuutigineqarpoq jannuaarip aallaqqaataani 2022-imi naammississasoq.
Suliniummi peqataasut tassaapput
Nuuk Imeq, Siorarsiorfik, Polar Seafood, Greenland Ruby, Betoncentralen, Qalut Vónin, KNI, INUPLAN, Nukissiorfiit, Hotel Hans Egede aamma Tele Post.
Henrik Schramm Rasmussen aamma Anne Mette Christiansen suliniummi siunnersortitut peqataapput.
Suliniummi atortussat
Suliniummi peqataasut
Nassuiaat
Oqaaseq IPUK katitigaavoq. Suliniut naatsumik taaguuserneqarnissaa kissaatigalutigu CSR Greenland akronym-iliorpoq oqaatsit uku aallaavigalugit:
Suliniutip aallaaqqaataani qulequtaq: ’et konkurrence- og bæredygtigt erhvervsliv i Grønland’.
Inuussutissarsiorneq (erhverv)
Piujuartitsineq (bæredygtighed)
Unammilleqatigiinneq (konkurrence)
Kalaallit Nunaat (Grønland)
= ’Ipuk’
Ordbog malillugu:
Ipu = skaft
Iput = åre
Ipuppoq = ror
Ordbog-imi oqaatsit ‘ipu’-mik ’sorlaqartut’ isumassarsiorfigalugit logo ilusilersorneqarpoq, aammalu IPUK oqariartuummik ilavarput:
IPUK;
Tusagassiutitigut eqqartorneqarnera
Tusagassiutinut nalunaarut
Piujuartitsineq aallaavigalugu niuernikkut aningaasarsiornikkullu Kalaallit Nunaanni ineriartortitsineq
Sermitsiaq.AG
Piujuartitsineq aallaavigalugu suliffimmik ineriartortitsineq Kalaallit Nunaanni siuarsaassaaq
KNR Radio
Nunatta Nipaa 02.03.2021
LinkedIn
Saqqummiussaq 02.03.2021
Suliniummi suleqatigiit
