Piujuartitsineq pillugu ilinniartussat nutaaq aallartilerput
Ulluni arfinilinni Sustainability pillugu ilinniarneq piujuartitsineq, ESG, CSR aammalu FN-ip piujuaannartitsisumik anguniagaanik sammisaqarfiusoq CSR Greenlandip aaqqissugaani inissat kingullit peqataasussarsiorpagut.
Marloriarluni ulluni pingasuni pikkorissaaffiusuni februarimi kiisalu april 2022-mi ingerlanneqartuni Ilinniarneq ingerlanneqassaaq.
Anne Mette Christiansen, Thomas Trier Hansen kiisalu Henrik Schramm Rasmussen ilinniarnermi pikkorissaasuupput, aammalu nunatsinni suliffeqarfinni aqutsisut arlaqartut piujuartitsinermi ilisimasaqarluartut qallunaat naapinneqassallutik. Nunatsinni kiisalumi nunani allani killiffiit nutaajunarpaat taamaalillutit pissarsiaqarfigissavatit. Ukiuni kingullerni tallimani Kalaallit Nunaanni inuit 100 missiliorlugit peqataaffigisimasaanni imarisamigullu misilittagaqarfiulluartunik nuannarineqarluartunillu Ilinniagaq imaqarpoq.
Pingaarnerpaagunarporli piujuartitsinermi suliniuteqarnermi inuit soqutigisaqartut suliffeqarfinni namminersortuneersut, pisortat suliffeqarfiutaaneersut aammalu NGO-ni sulisut ataqatigiiaatut pilersissimasaannut peqataalernissat. Ilinniarneq ataqatigiiaanik arlaqartunik inerititaqarfiusimavoq, taakkunani naapinneq misilittakkanik avitseqatigiiffiusarpoq, ulluni pingsuni sivisussusilimmi ilisimasassarsiorluni København-mut angalanermi ataqatigiiaanik naapinneq periarfissaqarfiulluassaaq. Angalaqatigiinnermi piujuartitsinermi ilisimasaqarluartut misilittagaqarluartullu qallunaat assigiinngitsutigut sammiviliisinnaasut naapinneqartussanut ilaapput. Tamanna juni 2022-mi pissaaq.
Suliffeqarfimmi ataatsimi peqataasut arlaqarpata peqataasussat tulliisa akiliutaat 50 %-nik ilanngaavigineqassaaq, taamaaliorneq peqquteqarpoq misilittakkat takutimmassut suliffeqarfimmi suleqatigiit arlallit piujuartitsineq pillugu suleqatigiippata suliffeqarfiup piujuartitsinermi angusai annertunerulissasut.
Nalunaarfissaq csr@csr.gl
Apeqqutissaruit imaluunnit pikkorissarneq ilinnut naleqqunnersoq eqqartorusukkukku, pikkorissaasoq allaffigiuk anne.mette.christiansen@gmail.com.
