Ukioq manna CSR Greenlandimiit juullimi tunissut
Juullip qaammataa juullerpaluttunik nerisaqarfiuvoq, kaageerartorfiuvoq, mamakujuttorfiuvoq imeruersaatinillu mamartunik imerfiulluni. Taamaattumik peqqinniarneq juullip qaammataani ajornakusoorsinnaasarpoq.
Maannakkulli juullip qaammataani suliffeqarfinni suleqatitit peqatigalugit ullormut ammartakkami inuttut anguniagassamik ammaasinnaavusi, tamannalu ullormiit ullormut juullip qaammataani Inuummarissaasut ammartagaat malillugu pisassaaq.
Ammartakkami sungiusaatit ajornanngitsut suleqatitit peqatigalugit immaqa unamminertaqalaartumik ingerlassinnaavarsi, taamaasiornikkullu peqqinnerusumik suliffeqarfinni juullerpalaarsinnaalissallusi.
Ugguuna ammartagaq aaneqarsinnaavoq.
Kikkut Inuummarissaasunik ingerlatsisuuppat?
CSR Greenland, Kalaallit Nunaanni Timersoqatigiit Kattuffiat aammalu Peqqissutsimut Ilisimatusarnermullu Naalakkersuisoqarfimmi “Suliffiit peqqissut” pillugit ukiuni pingasuni suliniuteqartut.
Suliniummi pingaarneq tassaavoq inuummarissaasunik ilinniartitsinissaq tamannalu aqqutsigalugu suliffeqarfinni peqqinnerusumik aalanissaq aallartisarneqarlunilu ingerlatiinnarniarneqassalluni.
