Immami eqqakkat pillugit Nunat avannarliit nukittunerusumik ataatsimoorput

Nunat killeqarfii akimorlugit mingutsitsineq pisinnaasarpoq

Eqqakkat immamiittut sinerissamut nunallu killeqarfiinut anngussinnaapput,

taamaattumik Nunani avannarlerni ataatsimoorluni ataqatigiissaarillunilu

iliuuseqartoqartariaqarpoq. „Nordic Alliance on Marine Litter“/NAML taamaaliorpoq

ilisimasat tunngavigalugit sammisaq pillugu periusissiamik pitsanngorsaalluni.

– ‘CSR Greenlandip NAML-imi ilaasortat ataatsimut iliuuseqarnerat suleqatiginerallu pingaartippaa.’

Nordic Alliance on Marine Litter-ip Nunani avannarlerni eqqakkat immamiittut pillugit immikkut ilisimasallit qaffasissumik ilinniagallit ataatsimoortippai, aamma soqutigisaqaqatigiit namminnerlu kajumissutsiminnik sulisut sulinermi siuarsaasut tapersersorpai.

– ‘Suleqatigiinnerup immikkorluinnaq ittup ersersippaa nammineq kajumissutsimik saliineq, paasissutissat, paasisimasat misilittakkallu pillugit avitseqatigiinneq ataatsimoortillugit ilisimasanik tunngavissaqarluarnerulersitsisartut eqqakkat immamiitut pillugit iliuuseqarnerunissamut, ‘ Hold Norge Rent-mi generalsekretæri Cecilie Lindvall Wendelboe oqarpoq.

Nordic Alliance on Marine Litter pillugu

Nordic Alliance on Marine Litter (siornatigut Nordic Coastal Cleanup) tassaavoq nunani avannarlerni eqqakkanik immamiittunik akiuiniarlutik soqutigisaqaqatigiit nunanit avannarlerneersut suleqatigiiffiat.

Soqutigisaqaqatigiit ukuupput: Hold Norge Rent (Norge), Håll Sverige Rent (Sverige), Ren Natur (Danmark), Pidä Saaristo Siistinä ry (Finland), Håll Skärgården ren rf (Åland), Rudda Føroya (Savalimmiut), Worldwide Friends Veraldarvinir (Island) aamma CSR Greenland (Kalaallit Nunaat).