CSR Greenlandip ataatsimeersuarnera 2018
Siammasissumik tunngaveqartumik nungusaataanngitsumik ineriartorneq
- marts ataatsimeersuarnermi siulersuisut nalunaarutaata saqqummiunnerani CSR Greenlandimi siulittaasup tullia Martin B. Kviesgaard erseqqissaavoq oqarluni CSR Greenland inuiaqatigiinni siammasissumik tunngaveqartumik nungusaataanngitsumik ineriartortitsinermik suliaqartoq aammalu taallugu ingerlatagut annertusiartuinnartumik avataani suleqatigisatsinnik assigiinngitsuneersunik akuliutitsinermik imaqartut – sulimi sulivugut aallaavigalugu oqariartuuterput ”ataatsimoorluta kivitsissaagut” – maannalu allaassutaalluni ”ataatsimooqatigiit” amerleriarnikuunerat.
CSR Greenlandimi ilaasortat peqataatitaat ataatsimeersuartinneqarput imaattut qulequttat aqqusaartorlugit; naatsorsuutinik akuersineq, missingersuutit, malittarisassanik allannguineq il.il. Siulersuisuni ilaasortat tallimat qinerneqartussaapput issiareersullu tamarmik qinigaaqqipput. Saniatigullu nuannaarutigalugu siulersuisunut tikilluaqquarput Air Greenlandimi pisortaq Jacob Nitter Sørensen.
Suleqatigiinnissamut ilitsersuusiaq
Ataatsimeersuarnerup kingorna allattoqarfimmi pisortap Lotte Frank Kirrkegaardip ilisari-tippaa ”QAQISA! – atuarfiit – inuussutissarsiortullu suleqatigiinnissaanut ilitsersuusiaq”. Tassani ipput nassuiaatit sukumiilluinnartut, qanoq iliorluni atuarfiit inuussutissarsiortullu qanimut suleqatigiinnikkut atuarfinni atuartut angajulliit qiimmassarlugillu naammassiner-mi kingorna ilinniaqqinnissamut kajungilersarneqarsinnaasut.
Ilitsersuusiaq siullermeersumik misiliilluni ingerlataq ”Suliffeqarfiit atuarfinnut – atuarfiit suliffeqarfinnut”, 2015-imiit 2017-imut illoqarfinni sisamani ingerlanneqartoq tunngavigalugu suliaavoq tunngavigalugillu aamma illoqarfinni 11-ni atuarfinnik inuussutissarsiortunillu apersuillunilu oqaloqatiginnissimanerit. Ilitsersuusiaq saqqummingajalerpoq atuarfinnullu tamanut aammalu suliffeqarfinnut CSR Greenlandimut ilaasortaasunut aprilip qiteqqunnerani nassiussuunneqarumaarluni. Saniatigullu taanna aamma nittartagarput aqqutigalugu takuneqarlunilu anisinneqarsinnaasunngortinneqassaaq.
Ukioq 2017 pillugu nalunaarut
Ataatsimeersuarnerullu ingerlanerani peqataasut alakkarterivigaat “CSR Greenland 2017-imut ukiumoortumik nalunaarusiaq” – Taanna nittartagarput aqqutigalugu aaneqarsinnaavoq imal. csr@csr.gl –imut allagaqarluni piniarneqarsinnaalluni.
Assitaliussanut oqaasertaliussat:
CSR Greenland-imi siulittaasup tullia Martin Kviesgaard: Suli sulivugut ataatsimoorluni kivitsinissamik oqariartuut tunngavigalugu – maannali kivitseqatigiittussat amerlaneruliinnarnikuupput. Pisortaaneq Jacob Nitter Sørensen, Air Greenland, CSR Greenlandip siulersuisuinut nutaatut ilaasortanngorpoq.
