Inuusuttut amerlanerusut ilinnialersillugit – qanoq iliorluta…?
Pisariaqartipparput inuusuttut amerlanerusut ilinniagaqalernissaat – tamannalu nutaarsiassartaqanngilaq.
Nutaarsiassarli tassaavoq QAQISA! – atuarfiit-suliffeqarfiit suleqatigiinnissaannut ilitsersuut.
Uani ilitsersuusiaq aaneqarsinnaavoq
QAQISA! – atuarfiit-suliffeqarfiit suleqatigiinnissaannut ilitsersuut nunarput tamakkerlugu atuarfiit suliffeqarfiillu peqatigalugit suliaavoq.
Siunertaq tassaavoq meeqqat atuarfiini angajullertut atuartut nammassigunik ilinnialernissamik qiimmassarlugillu kajungilersinnissaat.
Taamatullu angusaqarniarnermi aallaaviuvoq annertusisamik atuarfiit suliffeqarfiillu suleqatigiissilerneri, taakku peqatigiillutik atuartunut sammisunik ingerlatassanik aaqqissuitillugit, atuartut inuussutissarsiornermi periarfissanik isiginnissinnaanerat aammalu ilinniarnerni piumasarineqartut pillugit suliffeqarfiillu sunik naatsorsuutiginninnerannik ilisimasaqartilerumallugit.
Ataatsimut ingerlatsinerit aqqutigalugit inuusuttut pitsaanerusunik periarfissiuukkumaneqarput minnerunngitsumillu anguniarumaneqarluni taakku atuarnermi naammassinerani ilinniakkanik piviusunngortinneqarsinnaasunik aaliangiinissaat qaffassarumaneqarluni.
Siullermeersumik ingerlatsinerit angusaqarfiulluarsimapput.
Ilitsersuusiaq atuarfinnut, inuussutissarsiortunut allanullu soqutiginnittunut ilisaritinniarparput marlunngornermi ulloq 29. marts nal. 8.30 – 14.
Annertunerusunik paasisaqarumasut qinnuvigineqarput allattoqarfimmi pisortamut Lotte Frank Kirkegaardimut saaffiginneqqullugit uunga allallutik: lotte.kirkegaard@csr.gl imaluunniit uunga sianerlutik: 36 37 16.
