Suliffeqarfimmi praktikkertut Ini A/S-ip nittartagaani eqqarsaatigineqartut
Teknikereq sulerisarpa suullu pikkoriffigineqartariaqarpat taamannak suliniaraanni? Sumut praktikkernissannut qinnuteqaat nassiutissavara, sukumiinerusumik paasisaqarniaruma kina saaffigissavara? Suliffeqarfimmi praktikkerniartut apeqqutigineqarsinnaasut tamakku pillugit INI A/S-ip nittartagaani paasissutissanik aallersinnaalerput.
Isumassarsiaq tamanna Melissa Geisler Krogsgaardip, INI A/S-imi attaveqaqatigiinnerup iluani suliaqartup CSR Greenlandip aaqqissuussaani Qaqisa!-mi atuarfeqarfiit pillugit suliniut pillugu workshopertitsisoqarnerani peqataaneranit pilersinneqarpoq. Workshopertoqarnerani eqqartorneqarpoq atuartut suliffeqarfiit nittartagaanni praktikkerniarnerminni paasissutissanik ujartuisarnerup iluani ajornartorsiutigineqartarnera.
Atuartunut pitsaanerusumik praktikkertoqartalernissaa anguniarlugu Qaqisa!-mi ilitsersuut atuarfik-suliffeqarfiillu suleqatigiinnerat pillugu uani isumassarsiorsinnaavusi ilitsersuullu nassaarisinnaallugu.
