Global Compact Nordic Meeting 2018
CSR Greenland Kalaallit Nunaanni suliffeqarfiit allat peqatigalugit isumassarsiaqarnartumut Global Compact Nordic Meetingimi ataatsimeersuartitsinermut peqataapput, tamanna Københavnimi oktobarip 30.-iat 31.-iallu 2018 ingerlanneqarpoq.
Ataatsimeersuarnermi suleqatigiinnermik pisariaqartitsineq iluaqutaalu sammineqarput kiisalu suliffeqarfiit piujuaannartitsineq pillugu qanoq suliaqarsinnaanersut aamma eqqartorneqarluni.
Global Compact Nordicimi attaveqaatit nunat peqataasut akornanni misissuinermik paasisat ilaat saqqummiuppaat. Misissuinermi Nunarsuarmi anguniagassat pillugit suliffeqarfiit unammilligassaat periarfissaallu eqqartorneqarput. Nalunaarusiaq naammassisimalluni 2019-imi kvartalimi siullermi saqqummissaaq.
CSR Greenlandittaaq programmi SDG Accelerator pillugu ataatsimeersuartitsinerup workshoppertitsinerani peqataavoq. Programmi pilersinneqarpoq Monitor Deloitte, Global Compact Network Denmark, UNDP kiisalu Industriens Fondikkut suleqatigiinneratigut. Programmip siunertarivaa suliffeqarfiup tungaaniit Nunarsuarmi anguniagassanut peqataanerit. Programmi, SDG Accelerator, ukioq manna suliffeqarfippassuarni misilittarneqarpoq, atortussiarlu misilittarneqarnikoq 2018-ip naanerani pissarsiarineqarsinnaanngussalluni.
