Saligaatsoq nuna tamakkerlugu
CSR Greenlandip anguniarpaa nuna tamakkerlugu ulloq saliiffik ingerlanneqartassasoq. Ukioq mannalu pilersaarusiorneq aallartillualereerluni.
Anguniagaq iluatsissappat sumiiffigisani pimoorussisunik aamma pilersaarusioqatigiissussanik pisariaqartitsivugut.
Pilersaarusioqatigiissussat qulakkiissavaat:
Saliinissap pilersaarusiorneqarnissaa aamma ullormut pisussanik ataqatigiissaarineq
Sumiiffigisami innuttaasut peqataanissaannut kaammattorneqarnissaat
Saliinissamut atorneqartussanut suliffeqarfiit atortunik kiffartuussinissaannullu tapersiisoqarnissaa, soorlu:
Puussiarsuit aaqqatillu ataasiaannarlugit atortakkat
Peqataasussanut naatitat imeruersaatissallu
Puussiarsuit katersorneqarnissaat ikuallaavimmullu/eqqaavissuarmullu ingerlanneqarnissaat
Peqataasussanut atortussaannik tunioraasussat
Saliinerup inerneri CSR Greenlandimut nalunaarutiginissai. Paasissutissat tusagassiorfinnut nalunaaruteqarnermi, aviisinut ilanngutassiornermi namminerlu nutaarsiassaatigisartakkani atorneqassapput
Sumiiffigisami nammineerluni tusagassiorfinnut nalunaaruteqarnissaq.
Saligaatsoq pilersaarusiornissaanut ilitsersuut aamma nalunaarsuiffissaq uani aasinnaavatit.
Kalaallit Nunaanni Brugseni sumiiffigisamini tamani pilersaarusioqataasussamik peqataatitaqarpoq aamma naatitanik imernillu tapersiiniarluni.
Stark sumiiffigisamini tamani aaqqatinik puussiarsuarnillu tapersiiniarpoq.
Soqutiginnittut uunga attaveqarsinnaapput:
CSR Greenland
+299 363718
