Nuuk Water Taxi – CSR Greenland-imi ilaasortaq nutaaq

Nuuk Water Taxi A/S suliffeqarfik angallammik angalaartitsinermik ingerlataqarpoq. Ullut tamaasa takornariat ulluinnarlutik angalaniartut kiisalu suliffeqarfiit nunatsinneersut nunanilu allaneersut Nuummiit angallanneqartarput. Angallatini inuttat tamarmik nunaqavissuupput, tamarmillu motorilerinermik, angallatit pillugit kiisalu pinngortitami uumasut pillugit pikkorissarneqarsimapput.

CSR suliffeqarfimmut pingaaruteqarpoq, nunatsinni ineriartornikkut annertusaanissamut, suliffiit aalajaatsut kiisalu akissarsiagissaarfiusut aammalu inuusuttunik ilinniarfissaqqissut piorsarnerisigut Kalaallit Nunaanni siunissami inuusuttut suliffissaanik ineriartortitsinermi suliffeqarfik taamaalilluni tapersersuimmat.