Piujuartitsinermut, Nunarsuarmi anguniakkanut aamma CSR-imut pikkorissartitsinerit

 Uani Nutaarsiassat, Pisussat

Ukiaanerani saaffigisanut assigiinngitsunut CSR Greenland pikkorissartitsinerit arlallit Piujuartitsinermik, Nunarsuarmi anguniakkanut aamma CSR-imut sammisunut neqerooruteqassaaq.
Periarfissat pissanganartut uani takusinnaavatit:

Siulersuisut pisussaaffii: Piujuartitsineq, Nunarsuarmi anguniakkat aamma CSR
Saaffigisat: Kalaallit Nunaanni suliffeqarfinni siulersuisuni ilaasortat
Piffissaq sumiiffillu: Tallimanngorneq septembarip 10-at 2021 nal. 09.00 – 16.30, Nuummi
Aki: 4 500 kr.
Malugiuk: Peqataanissamut nalunaarnissamut killigititaq 3. septembari!
Programmi uani takuuk

Suliffeqarfinnut suliniaqatigiiffinnullu Piujuartitsinermut, Nunarsuarmi anguniakkanut aamma CSR-imut ilinniarneq (ullut sisamat)
Saaffigisat: suliffeqarfinni, pisortat suliffeqarfiutaanni aamma suliniaqatigiiffinni naalakkersuisutiguunngitsuni aqutsisut aamma sulisut piujuartitsinermut, Nunarsuarmi anguniakkanut imaluunniit CSR-imut suliniuteqarnikkut akisussaasut imaluunniit soqutigisaqartut
Piffissaq sumiiffillu: Marlunngorneq septembarip 14-iat – tallimanngorneq septembarip 17-iat 2021 (ullut sisamat), Sisimiuni + onlinekkut naapinnerit marluk
Aki: 19 500 kr.
Malugiuk: Peqataanissamut nalunaarnissamut killigititaq 5. septembari!
Programmi uani takuuk

Pisortat suliffeqarfianni Nunarsuarmi anguniakkat aamma piujuartitsineq (ullut marluk)
Saaffigisat: Kommunini, Namminersorlutik Oqartussani aamma pisortat suliffeqarfiutaanni aqutsisut sulisullu Nunarsuarmi anguniakkanut aamma piujuartitsinermut suliniuteqarnikkut akisussaasut imaluunniit soqutigisaqartut
Piffissaq sumiiffillu: 6. – 7. decembari 2021, Nuummi
Aki: 6 000 kr.
Programmi uani takuuk

Piujuartitsineq, Nunarsuarmi anguniakkat aamma CSR (ilinniarneq takisooq)
Saaffigisat: Suliffeqarfinni suliniaqatigiiffinnilu aqutsisut, mellemlederit aamma sulisut piujuartitsinermut/CSR-imut suliniuteqarnermut akisussaasut
Piffissaq sumiiffillu: 21. – 23. februaari 2022 aamma 25. – 26. apriili 2022 + onlinekkut aamma paasisassarsiorluni angalaneq
Aki: 29 000 kr.
Programmi kingusinnerusukkut saqqummiunneqarumaarpoq

Nutaarsiassat Kingulliit
Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt