Saligaatsoq 2022

SALIISITSINERMUT SULEQATIGIIULLUSI PEQATAAGITSI, TAAMAASILLUSI NUNA TAMAKKERLUGU SALIISITSINERMUT PEQATAASSAASI

Sumiiffigisassinni suliffeqarfittut, ingerlatsivittut, pisortat suliffeqarfiutaattut – nunaqqatisi peqatigalugit Saligaatsoq ingerlannissaa qulakkeersiuk.

Imatut peqataasinnaavusi:

• Sumiiffigisassinni pilersaarusioqatigiinnut peqataallusi aallartitsillusiluunniit

• Atortussanut aningaasaliisuullusi (puussiarsuit, aaqqatit, imeruersaatit, tamulugassat il. il.)

• Pisariaqartitanut aningaasaliisutut (allagarsiinissamut, unammisitsinernut eqqugassanut, eqqakkanik assartuisussatut il. il.)

• Ulloq saliiffimmi ikiuutaallusi (atortussanik tunioraaneq, assiliineq il. il.)

• Kommunit eqqakkanik akeqanngitsumik tigooraanissartik peqataaffigisinnaavaat immaqalu assartuisussanik qulakkeerinnilluni

• Saliisussanik peqataatitsinissamut kaammattuillusi immaqalu unammisitsinernik ingerlataqarlusi

Qanoq suleqataarusunnersi pillugu CSR Greenland attavigisinnaavarsi uunga: csr@csr.gl

Eqqaamallugu logo ilanngullugu nassiunnissaa, qanoq peqataanersusi oqaluttuariniassavarput.

Saligaatsoq pillugu paasissutissanik uani atuartoqarsinnaavoq: www.csr.gl

Saligaatsoq Facebookkimi malinnaavigisiuk.