QAQISA – Atuartut qanoq oqarpat?
Atuartut ilinniagaqarnissamut inuussutissarsiuteqarnissamullu atuarfimmit siunnersortissimanertik pillugu qanoq naliliippat?
Atuartut sutut ilinniarsinnaaneq siunissamilu suliffiusinnaasut pillugit kajumissusertik aammalu soqutiginninnertik qanoq isumaqarfigaat?
Atuartut QAQISA pillugu suliniutimik naliliinerat pillugu nalunaarusiaq piareermat allaaserisap naqqanik attaveqaat atorlugu nalunaarusiaq tamakkiisoq atuaruk. Suliniut CSR Greenlandimit ineriartortinneqartoq, meeqqat atuarfianni atuartut sulinermut aammalu ilinniarnissamut soqutiginnitsilerlugillu kajumissuseqalernissaannik suliniut siunertaqarpoq. Sumiiffinni atuarfiup inuussutissarsiortullu akornanni annertuumik suleqatigiittoqarneratigut atuartut angajulliit meeqqat atuarfiannit soraarummeerlutik naammassinermi kingorna ilinniarnermut ikaarsaarnissaannut suliniut aqqutigalugu kajumissaarnissaat suliuniutip anguniagaanut pingaarnersaavoq. Taamaaliornikkullu najugarisami inuussutissarsiortut innuttaasullu atuartuunermut qaninnerusumik suleqataalernissaannik ammaassivoq.
9. kl.-mi aammalu 10. kl.-mi atuartut QAQISA pillugu naliliisinneqarput. Naliliisitsernermi atuartut aqqutissiuunneqarneq aammalu sulinermik misiliineq naliliiffigineqartunut ilaapput.
Ukioq 2020-miilli atuartut QAQISA pillugu naliliisinneqartarput. Attaveqaatit toqqaannartut atorlugit immersuinikkut naliliinerit ingerlanneqartarput. Ukiut pingasut ingerlanerini atuartut 1000-t missiliorlugit immersueqataasimapput. Taakkua atuarfinnit 19-nit illoqarfinni 16-neersuupput.
Ukiut atuarfiusut pingasut iluanni immersuillutik akissuteqartut piffissami tamatumani atuartuusut 50%-nik amerlassuseqarput.
Atuartut ilinniagaqarnissamut inuussutissarsiuteqarnissamullu atuarfimmit siunnersortissimanertik pillugu qanoq naliliippat?
Atuartut akissuteqarnerminni tikkuarpaat atuarfimmi siunissami suliffiusinnaasut pillugit atuartinneqarsimallutik. Atuartut atuarfimmi atuartitsissutigineqartut kiisalu ilinnialernissamut piumasaqaatinut periarissat pillugit atuartinneqarsimanerarput.
Atuartut sutut ilinniarsinnaaneq siunissamilu suliffiusinnaasut pillugit kajumissusertik aammalu soqutiginninnertik qanoq isumaqarfigaat?
Atuartut affaasa missaat atuarfimmi atuartitsinermi/aqqutissiuunneqarnermi ilinniagassamut isumassarsisimanerarput taamaalillutillu siunissami suliffiusinnaasoq pillugu tunaartaqalersimallutik.
Nalunaarusiaq tamakkiisoq uani atuaruk
Paasissutissanik katersineq, misissuineq, atuarfinnut nalunaarusiorneq aammalu tamakkiisumik nalunaarusiorneq CSR Greenland sinnerlugu Ph.d. Mîtdlârâk Lennert-mit kiisalu Ph.d. Lars Demant-Poort-mit ingerlanneqarpoq.
Suliniutip ingerlanneqarnerani GrønlandsBANKENip Inuussutissarsiornermut Aningaasaateqarfia aningaasaliisoralugu naliliisitsinermut suliniummut ingerlanneqarpoq.
