Saligaatsoq ataatsimoorfiuvoq

Qitiusumik peqataanermut tunngaviuvoq saligaatsuutitsinissaq, aappaattulli Saligaatsoq ataatsimoorfittut atorneqartarpoq.

Saligaatsoq ineriartornissaa pitsanngorsaaffiginissaalu siunertaralugu, CSR Greenland Saligaatsoq atatillugu suleqatigisartakkaminut misissuisimavoq. Misissuinerup inerneri eqikkarlugit ataani atuarneqarsinnaapput.

Misissuinermi peqataasut

Misissuinermi peqataasut tassaapput Kommuni, Najukkami Ataatsimiititaliaq, Namminersorlutik Oqartussat aamma suliffeqarfiit arlallit.

Suliffeqarfiit sumiiffinni assigiinngitsuni aqqanilinni ingerlatsisut akissuteqarsimapput.

Sulffeqarfiit pingasuniit 800-t sinnerlugit sulisullit akissuteqarput.

Saligaatsumi siullermeerlutik peqataasuniit ukiut tamaasa peqataasartut akissuteqarsimapput.

Saligaatsumut peqataasut agguaqatigiisillugu piffissaq atortagaat tassaavoq akunnerit 28,85-t.

Saligaatsoq sioqqullugu agguaqatigiisillugu piffissaq  atorneqartoq tassaavoq akunnerit 7,59-t. Ullormi saliisitsinermi agguaqatigiisillugu akunnerit 8,93-t atorneqartarput.

Suliffeqarfiup angissusaa naapertorlugu saliisitsinermut peqataatinneqartut amerlassusaat procentinngorlugu assigiissaarput. Suliffeqarfiit ilaasa sulisut ilaqutai allallu peqataatittarpaat.

Saligaatsoq ataatsimoorfiuvoq

Qitiusumik peqataanermut tunngaviuvoq saligaatsuutitsinissaq, aappaattulli Saligaatsoq ataatsimoorfittut atorneqartarpoq.

Saligaatsuutitsinissaq qitiusumik tunngavigineqartarpoq peqataanermi, aappaattulli pingaartinneqartoq tassaavoq Saligaatsoq ataatsimoorfittut atorneqartarnera suleqatigiit akornanni, sulisut ilaqutai ilagalugit imaluunniit sanilerisat ilagalugit. Ikinnerusulli silami nereqatigiinnermik kaffisoqatigiinnermillu aaqqissuussisarput.

Saligaatsuutitsinissaq pingaartinneqarpoq

Misissuinermi peqataasut affaasa suliffeqarfiup silataa salittarpaat, sinnerilu allami saliisarlutik.

Akissuteqartut tamarmik Saligaatsup ingerlanneqarnerata pitsaaquteqarnera taperserpaat. Tassani isiginiarneqarpoq saligaatsuutitsinissap pingaaruteqarnera.

Arlaatigut Saligaatsup ingerlanneqarnera atatillugu akornutaasinnaasutut ataaseq taaniarneqarpoq, tassalu nunamut eqqaasartut saligaatsuutitsinissamut ilikkagaqanngitsoornerat.

Pitsaanngorsaaffigineqarsinnaasutut siunnersuutit

Pitsaanngorsaaffigineqarsinnaasutut siunnersuutit tassaapput saliinermut atortussat pitsaasut suuneranik ilitsersuutit. Eqqakkanik katersereernerup kingorna ulloq taanna eqqakkat aaneqartarnissaat kissaatigineqarpoq. Eqqakkat aaneqanngitsoortut peqataasimasunut kajumissusermik annikillisitsisarnera oqariartuutaavoq. Amerlanerusut peqataanissaat eqqarsaatigalugu ullormik saliiffissamik toqqaannginnermi sumiiffigisami allanik pisoqarnera eqqarsaatigalugu ullunik inissiisarnissaq kissaataavoq. Ilaasa kissaatigaat ataatsimuualaartitsineq ukkatarineqartariaqartoq. Siunnersuutigineqarpoq aamma ukioq kaajallallugu saliinissamut eqqakkanillu passussineq ukkatarineqarnissaa.

Sumiiffinni annerusumik akisussaaffigineqalernissaa

• Sumiiffinni annerusumik saliisitsinissamut akisussaaffigineqalernissaa pillugu sumiiffiit ilai ingerlalluartutut imminnut nalilerput
• Saliisitsisarnerli ingerlalluassappat suliffeqarfiit inissianilu najugaqartut saliinissamut pisussaaffilerneqarnissaat kissaatigineqarpoq.
• Saliisitsinissamut suleqatigiinneq nukittunerusoq ujartorneqarpoq, uani eqqarsaatigalugu aaqqissuussaq annertunerusoq.
• Tassanilu kommuni peqataasariaqartutut eqqaaneqarpoq aamma sumiiffinni suleqatigiissussanik pilersitsineq aqqutigalugu.
• Saniatigut unammisitsineq aqqutigalugu peqataatitsineruneq soorlu sumiiffiit akornanni unammisitsineq aamma assit atorlugit (saliinnginnermi assililaq saleereernerullu kingorna assilisaq) unammisitsinertut atorneqarsinnaaneri siunnersuutigineqarput.

Saligaatsumut suleqataasariaqartut

Suliffeqarfiit tamarmik peqataasarnissaat kissaatigineqarpoq, uani aamma isiginiarneqarpoq suliffeqarfiit eqqartik salinnerusariaqaraat.

Ataatsimoortumillu kissaatigineqarpoq akisussaaffimmik tamatta tigusinitsinni inuiaqatigiittut tamatta kivitseqatigiinnissarput.