Imatut inuusuttut ilinniarnissaannut isumassarsiortissavatit
Inuusuttut amigaatigivaat ilinniarnermi aamma sulinermi ulluinnaq qanoq isikkoqarsinnaanersoq takorloorsinnaassallugu aamma aalasulianik takusaqarnissartik kissaatigivaat. Suliffeqarfinni lærlingit praktikkertullu atorlugit inuit attaveqaqatigiinnikkut naapittarfianni suliffeqarfiit suliffeqarfitsik inuusuttunut qanilaarnerulersissinnaavaat.
Inuusuttut uppernassusilimmik takusaqarnissartik kissaatigivaat video atorlugu inuusuttut allat oqaluttuaat tusarusuppaat. Lærlingit praktikkertullu akornanni assigiinngiaassuseq annertuvoq, taamaasilluni inuusuttut amerlanerusut suliffeqarfimmi suliani assigiinngitsuni imminnut tarrarsorfigisinnaasaat amerlapput.
Tamanna toqqammavigalugu CSR Greenland QAQISA suliniummik misiliutaasumik ingerlatsipput. Tassanilu siunertaavoq inuusuttut ilinniartut meeqqat atuarfiani angajullerni atuartut isumassarsiortinnissaanut. Inuusuttut ilinniarnermi inuunerat pillugu video-aqqanik sananikkut misiliut unammisitsinertut ingerlanneqarpoq. Kingorna peqataasut tamarmik videoliaat ataatsimut videomut katiterneqarput.
Videoliat makkuninnga takorluulersitsipput:
- Sumut ilinniartoqarsinnaanersoq
- Ilinniartutut ulluinnatit qanoq innersut
- Ilinniarninni suut ilinniarneqarsinnaanersut imaluunniit ilinniarneq tunngatillugu avatangiisit
- Ilinniarnermi nutaanik ilisimasartaartarnerit/ikinngutitaartarnerit aammalu inunnik qanoq naapitsisoqartarnersoq
- Ilinniartut suut takorluugarineraat aammalu ilinniakkat aqqutigalugit suut suliffigilerneqarsinnaanersut
- Ilinniarfinnut aallartissagaanni fagit suut pingaaruteqarnersut
