Suliniutinut aqutsisoq
Inuiaqatigiinni akisussaaqataaneq piujuartitsinermillu suliat soqutigisaraagit? Attaveqaqatiinnermi
suliaqarnermi piginnaasaqarluarpit? Suliniutit pillugit takorluuillaqqippit aammalu suliniutinik
namminersorlutit aqutsillaqqippit?
CSR Greenland suliniutit pillugit takorluuillaqqissumik aammalu namminersorluni
aqutsillaqqissumik inuiaqatigiinni akisussaaqataaneq piujuartitsinermillu
sammisaqartussamik suliniutinut aqutsisussarsiorpoq. Suliniutinut aqutsisup suliassaanut
pingaanernut attaveqaqatigiinnermut suliassat aamma ilaapput.
Suliniutinut aqutsisutut CSR Greenland-imi siulersuisut piffissamut 2024-2027-mut
anguniagassatut aalajangersagaasa piviusunngortinnissaanut suleqataassaatit.
Akisussaaffitit
Iliuusissatut anguniagassaq aallaavigalugu suliniutinut aqutsisutut uku akisussaaffigissavatit;
- Tunngaviusumik pingaarnertut suliniutit ingerlanneri ineriartortinneqarnerilu
- Pisortaq peqatigalugu suliniutinut missingersuusiat aammalu aningaasanik aqutsineq akisussaaffigalugit
- Tunngaviusumik attaveqaqatigiinneq akisussaaffigalugit
CSR Greenlandip allatseqarfia anginngilaq, taamaattumik suliassat peqataaffigisassatit siammasipput
iliuusissatut suliniutiniit, sulinitinut ulluinnarni takkussuuttunut, attaveqatitigut
ingerlatassanut kiisalu suliassaagallartullu allat ilanngullugit.
Illit piginnaasatit
Suliniutinut aqutsisutut suleqatissarput tassaavoq inuk ilinniarsimasoq, ukiunik arlalinnik
inuiaqatigiinni akisussaaqataanermik piujuartitsinermik kiisalu attaveqaqatiginnermik, aammalu
suliniutinik aqutsinermik misilittagalik. Suliniutinik nakkutiginnillaqqissuunerit
naatsorsuutigaarput.
Attaveqaqatigiinnermi piginnaasaqarluartuunerit, aammalu pisortat namminersortullu akornanni
suleqatigiissitsillaqqittuunerit ilinnut pitsaaqutaassaaq Tunngaviusumik inuiaqatigiinni
akisussaaqataaneq, piujuartitsineq aammalu attaveqaqatigiinnermik ilisimasaqarnissat
pitsaaqutaassaaq. Namminersorlutit tunaartaqarlutillu suliallu naammassinissaannut
suleriaaseqarnerit ilisarnaatigaat. Peqatigiiffiup avammut suliniutaasa
ineriartortittuarnissaanut aamma suleqataarusussuseqarputit.
Makkuninnga piginnaasalimmik suliniutinut aqutsisussarsiorpugut:
- Takorluuillaqqissoq aammalu suliniutinik namminersorluni aqutsillaqqissoq
- Alapernaatsoq paasisanik nutaajusunik ujartuillaqqissoq aammalu attavinnik nutaanik
pilersitsillaqqissoq - Tunniussimaartoq, kaammattuisoq, peqataatitsisinnaasoq, nuannaartoq
- Tatiginartoq, namminersorsinnaasoq
- Inussiarnersoq, suleqatigiuminartoq aammalu sulianut pikkorissoq
- Aalajangiisinnaassuseqarneq aalajangiussanillu naammassinnissinnaassuseqartoq
- Kalaallisut, qallunaatut aammalu soorlu tuluttut attaveqaqatigiinnermi
piginnaasaqarluartoq
Neqeroorutigaarput
Peqatigiiffik suliniutit aqqutigalugit inuiaqatigiinni suliaqarfinni assigiinngitsuni aningaasarsiornikkut, inooqatigiinnut, avatangiisinullu piujuartitsineq aallaavigalugu ineriartortitsinermi suleqataasoq suliffigilissavat. Suliniutinut aqutsisutut sulininni CSR
Greenland-ip peqatigiiffittut suliniutai kiisalu Kalaallit Nunaanni suliniutit sunniuteqarfigissallugit periarfissaqarputit. Suliniutivut aqqutigalugit peqatigiiffiup ilaasortaanut, kiisalu suliavut arlaqartut suliniutitut, Kalaallit Nunaanni pisortat, kajumissutsiminnik suleqataasut, nunatsinni/nunattalu avataani kattuffiit peqatigalugit ingerlattarpavut.
Suliniutinut aqutsisutut atorfik toqqaannartumik pisortamut attaveqartuuvoq
CSR Greenlandip allatseqarfia Kalaallit Nunaanni Sulisitsisut Nuummi allatseqarfianni
inissisimavoq. Ullormi suliffiusumi Sulisitsisuni sulisut allat peqatigalugit sulisassaatit.
Aningaasarsiatigut atorfinitsitaanermilu atugassarititaasut
Akissarsiat aammalu soraarnerussutisiassat neqeroorutigisavut piginnaasat kiisalu
isumaqatiginninniarneq aallaavigalugu aalajangersarneqassapput. Sapaatip akunneranut akunnerit 40-t
suliffiussapput. Piffissat ilaanni akunnerit suliffiusut amerlanerusinnaaneri
naatsorsuutigineqarsinnaavoq. 1. marts 2024 atorfinitsitinissaq kissaatigineqarpoq
Paasissutissat sukumiinerusut
Paasissutissat sukumiinerusut pisortamut, Ulla Lynge csr@csr.gl imal. oqa. +299 36 37 21,
saaffiginnillutit pissarsiarisinnaavatit.
Qinnuteqaatit ilanngussatillugu uunga nassiutikkit csr@csr.gl. Ilisarnaat una atoruk:
Suliniutinut aqutsisoq. Qinnuteqarfissa: 21. januar 2024.
CSR Greenland suliffeqarfinnut suleqatigiiffiuvoq nukittooq piginnaasaqarluartoq. CSR Greenland-ip suliniutini aqqutigalugit iliuusissanik siuarsaasarpoq aammalu inuiaqatigiinni akisussaassusermik piujuartitsinissamillu tunngaveqarnermik ilisimasaqarnermik nukittorsaasuulluni.
CSR Greenlandip suliniutai pillugit nittartagarput alakkaruk www.csr.gl.
