Siunissaqaasa 2024

 Uani Nutaarsiassat
– ilinniarfissat pillugit 9. aamma 10. kl.-ni atuartunut nittarsaassineq   CSR Greenland Nuummi Sulisitsisut aammalu Kommuneqarfik Sermersooq qanimut suleqatigalugit ukiup aappassaa ’Siunissaqaasap’ ingerlanneqarnissaanut pilersaarusiornermi aammalu aaqqissussap ingerlanneqarnerani suleqataavoq. Meeqqat atuarfianni atuartut angajulliit kiisalu sumiiffimmi sulisitsisut ilinniarfiillu ilinniarnissamut sulisartuunissamullu ikaarsaarnermi periarfissat suliffigisinnaasat ineriartorfiusinnaasut il.il. nittarsaassinermi sammineqarput. Nittarsaassineq Siunissaqaasa 2024 Atuarfik Hans Lynge -p timersortarfiani pingasunngornermi 2. oktober 2024 ingerlanneqarpoq. Atuartut 9. aamma 10.kl.-neersut 520-t missaannik amerlassuseqartut Nuummi atuarfinneersut, Nuuk Internationale Friskole-meersut aammalu atuartut Qeqertarsuarmiit tikeraartut nittarsaassinermi suliffeqarfinneersut, ilinniarfeqarfinneersut kiisalu Kommuneqarfik Sermersuumeersut peqataasut 33-t naapippaat. Nittarsaassineq atuartut naliginnaasumik atuarnerani inissisimammat atuartut apeqqutissaminnik piareersarsimallutik nittarsaassisunut apeqquteqartarlutik, imaluunniit aalajangersimasumik suliassaqarlutik nittarsaassinermi Siunissaqaasami peqataapput. Siunissaqaasa 2024 atuartunik, ilinniartitsisuinik kiisalu nittarsaassinermi peqataasunik naliliiffigineqassammat, peqataasut immersugassamik nassinneqassapput. Influenceri Qupanuk Olsen, Q’s Greenland-mik ingerlatsisoq, Qulutaq Kleemann, Qulutius Events-imeersoq peqatigalugu ullormik pisoqarfiusumi ingerlatsisuupput. Siunissaqaasa 2024-mi aningaasaleeqataasut: GrønlandsBANKENs Erhvervsfond, Nuummi Sulisitsisut, Kommuneqarfik Sermersooq, Majoriaq/Piorsaavik, Arctic Import, CSR Greenland, Kaargo aammalu Godthåbhallen.
Nutaarsiassat Kingulliit
Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt