Saligaatsoq

–  Nuna tamakkerlugu ingerlalereerpoq Aputaarluinnalerpugut, sumiiffinnilu amerlaqisuni Saligaatsoq ingerlanneqariinngikkuni ingerlanneqarnissaa pilersaarusiorneqarpoq.   Nanortalimmi Saligaatsoq marloriarluni ingerlanneqarpoq, siullermik nammineq kajumissutsiminnik peqataasut peqatigalugit 11. maj ingerlanneqarluni. Aaqqissuussineq BBQ-mik naggaserneqarpoq. Aappassaanik Nanortalimmi suliffeqarfiit peqatigalugit 15. maj ingerlaneqarluni. Aaqqissuussinerni marluusuni eqqakkat katersorneqartut 14 tons-nut uuttorneqarsimapput.   Illoqarfinni arlalinni Saligaatsoq pilersaarutaalereerpoq, allanili aasap ingerlanerani ingerlanneqassalluni: Nanortalik       11. + 15. maj Nuuk                 11. juni Sisimiut            18. juni Ilulissat            14. juni   KNI ukioq manna Royal Greeland peqatigalugu suliniutertik ’Nunaqarfiga kusanartoq’ ingerlateqqissavaat. Nunaqarfinnik tamanit peqataaffigineqarsinnaavoq piffissamilu 28. maj – 31. juli 2025 ingerlanneqassalluni.   INI A/S-ip suliniutertik ’Saliineq 2025’ illoqarfinni pingasuni ineqarfeqarfinni ingerlatissavaat. Suliniutip qaqugukkut ingerlanneqarnissaa INI A/S’ip facebook-mi quppernerani takuneqarsinnaavoq. CSR Greenland-ip filmeeraq ’tamatta avatangiisivut akisussaaffigaavumik’ oqariartuuteqartoq saqqummersippaa.’ Filmeeraq isiginnaaruk uani CSR Greenland soqutigisaqaqatigiinni Nordic Coastal Cleanup/NCC -mi nunat uku peqatigalugit Island, Færøerne, Danmark, Norge, Sverige, Finland aammalu Åland peqataavoq. NCC-ip ukiumut 2025-mut ’imartarput saligaatsoq’ qulequtaralugu sammisaqarpoq. Soqutigisaqaqatigiit filmeeraliaat isiginnaaruk: uani CSR Greenland junip 2.-ni NCC-miit pulaartoqarpoq. Ingeborg Rønning, Hold Norge Rent-meersoq siullermik Nuuk, kingornalu Qaqortoq tikeraarpai. Ingeborg-ip CSR Greenland-mut pulaarpoq aammalu ESANImi pisortaq Frank Rasmussen ataatsimeeqatigalugu. Suliffeqarfissuup eqqakkat aalajangersimasut Nuummiit Norge-mut nassiuttarpai. Qaqortumi Ingeborg Rønning-ip Innovation South Greenland, Hold Norge Rent-mit suliniummi ’Arctic Cleanup’ suleqatigisani pulaassamaarpaa. Tusagassiorfik Sermitsiaq 23. maj 2025 aviiseeraq avatangiisinut kiisalu piujuartitsinermik sammisaqartoq saqqummersippaa. Aviiseraq atuaruk Infoaviser – 23/05-2025 (til Erneeraq: indsæt linket) Tulliani CSR Greenlandmiit nutaarsiassat qilanaarikkit, tassanimi suliniut ’Kalaallit Nunaat eqqagassaqanngitsoq’ pillugu killiffik sammineqassaaq.     Saligaatsoq 2025 peqataagit aammalu #Saligaatsoq atornissaa eqqaamajuk