Suliniummut nutaamut pissanganartumut piujuartitsineq aallaavigalugu suliffimmik ineriartortitsinermut imaqartumut peqataarusuppit?
Industriens Fond, Kalaallit Nunaanni Sulisitsisut aamma CSR Greenland ”IPUK – piujuartitsineq aallaavigalugu suliffimmik ineriartortitsineq-mik” qulequtserlugu suliniummik annertuumik suliniuteqartuupput. Kalaallit Nunnaanni aningaasarsiornikkut siuariartornissaq suliffissanillu piujuartitsinermik aallaaveqartumik ineriartortitsinissaq aammalu FN-ip piujuartitsilluni ineriartortitsinermi nunarsuarmi anguniagai aallaavigineqassasut suliniummi siunertaavoq.
Suliffeqarfiit toqqakkat 10-it amerlasoorpassuarnik isumassarsivissaannik, nutaanik ilisimasaqarlernissaannik aamma sakkussaannik aalajangersimasunik piujuartitsisumik ingerlatsinermut tunngavilinnik suliaqarnissaannik periarfissinneqassapput, sisamariarluni ”Bootcamps”-ertoqassaaq, suleqatigiissitat isumasioqatigiissinneqassapput aamma ataasiakkaarlugit siunersiorneqartassapput. Uani tassa piujuartitsisumik aallaveqarluni niuerutissatut ilusilikkanut piviusumik alloriarnissaminnut periarfissaqalissapput.
Ilissinnut soqutiginarpa? Taamaappat annertunerusumik paasisaqarusukkuit Ulla Lynge, CSR Greenland-imi oqarasuaatikkut 53 37 16 sianerlutit imaluunniit ulla.lynge@csr.gl-imut allallutit attavigiuk.
