Plastik oqaluuserineqarpoq

Arfininngornermi 25. januaari ICC suliniaqatigiiffik Plastic Not So Fantastic peqatigalugit nunatsinni plastikkimik atuineq pillugu isumasioqatigiissitsipput.

Aaqqissuisut, WWF Verdensnaturfonden aammalu Avatangiisinut Naalakkersuisoqarfimmeersut oqariartuutiminnik saqqummeereermata peqataasut suliffeqarfiit, kattuffiit kiisalu inuit ataasiakkaat qulequttat uku ’ulluinnarni’, ’inuussutissarsiortut’, ’imarmi’ kiisalu ’pinngortitami’ plastikkimik atuineq minnerunngitsumillu plastikki atorneqareernerani igitassanngoraangat ileqqut allanngortinneqarsinnaaneri pillugit isumasioqatigiissinneqarput. CSR Greenland isumasioqatigiinnermi soqutiginartumi peqataavoq.