Islandimi maaji 2022-imi Sustainability Masterclass (piujuartitsinermut immikkut sammisaqarneq)
Ukiaq Københavnimi iluatsilluartumik ilisimasassarsiorluni angalareernerup kingorna CSR Greenlandimi ilaasortat arlallit Kalaallit Nunaanni ’piujuartitsinermut ambassadørit’ arlallit akornanni attaveqatigiinnerup nukkassarnerunissaa ujartorsimavaat – piujuartitsineq pillugu ilisimasat nutaat aamma Kalaallit Nunaata avataani suliffeqarfinneersunit isumassarsiornissaq ilanngullugit.
Taamatullu qanoq iliortoqarsinnaava?
Akissutaa tassaavoq ullut pingasut affarlu sukumiisumik ilisimasassarsiorluni attaveqatigiinniarlunilu Islandimut angalanermut!
Sustainability Masterclass periarfissatsialaavoq qaffasinnerusumik piujuartitsineq, Nunarsuarmi anguniakkat aamma CSR pillugu suliniutit ingerlateqqinniissaannut. Tassani sammineqassaaq periusissiornermi suliffeqarfimmi piujuartitsineq, atuutilersitsineq ingerlatsinerlu – namminersortuni aamma pisortat suliffeqarfiutaanni. Sustainability Masterclass aamma eqqarsaataasimavoq oqallinneq, misilittakkanik avitseqatigiinneq aamma aqutsisulerlugu oqallinneq aqqutigalugu kalaallit suliffeqarfiutaanni, ingerlatsiveqarfinni aamma pisortani attaveqarfiit nukkassarnissaanut.
Sustainability Masterclass-ip imarisai tassaapput:
- Suliffeqarfinni periusissiornermi piujuartitsinermut, atuutilersitsinermut ingerlatsinermullu tunngasunik unammillernartunik tigussaasunik periuutsinik, suliassiissutinik aamma oqallinnermik ukkataqartunik ilinniartitsinermi aallussinerit
- Islandimi suliffeqarfinniit isumassarsiatsialappassuit misilittakkanillu avitseqatigiinnerit annertuut, unammillernartunullu iluatitsiviusunullu qanillinissamut periarfissaq
- Peqataasut imminnut ilikkagaqarfiginissaat attaveqarfiillu nukkassarnissaanut peqataasut akornanni unammillernartunut aaqqiissutissanillu paasinninniarluni ukkataqarnikkut avitseqatigiinneq
- Piujuartitsilluni ineriartortitsineq siuarsarniarlugu suliffeqarfiit, ingerlatsiviit naalagaaffillu sunniivigeqatigiinnerat paasiniarlugu oqallinneq
Sustainability Masterclass maajip 21.-aniit 25.-anut 2022-imi Reykjavikkimi ingerlanneqassaaq, Air Greenland aqqutigalugu aaqqissuussakkamik Nuummiit siumut utimullu angalanikkut. Piffissami taaneqartumi peqataaniarluni København aqqutigalugu Reyklavikkumut aamma angalasoqarsinnaavoq. Pisussanut pilersaarutit arfininngornermi unnukkut tikilluaqqusilluni nereqatigiinnermi aallartinneqassapput (akianut ilaareerpoq), programmilu ingerlaqqissaaq sapaammut, ataasinngornermut, marlunngornermullu ualikkut siusissukkut tungaanut.
Peqataaniarluni nalunaarfissaq kingulleq tassaavoq martsip aallaqqaataa 2022 uunga
