Siunissami suleqatissasi naapissigit piareersarlugillu!
14-inik 15-inilluunniit ukioqarallaravit imminut naapissinnaasuuguit suliniarnissat pillugu sinnattorisatit pillugit imminut qanoq siunnersussagaluarpit? Ullumikkut siunissami sulisorisinnaasatit naapissinnaalerpatit!
Atuartunut maligassiuivusi
Inersimasutut inuusuttut ajunngitsumik ingerlaniarnissaannut ilitsersuinissatsinnut akisussaaffeqarpugut. Ingammik pingaaruteqarpoq inuusuttut meeqqat atuarfianniit ingerlariaqqinnaveertut eqqarsaatigalugit iliuuseqarnissaq.
Atuartunut sammisassaqartitsisarneq soorlu suliffeqarfinnut pulaarneq, arsartitsinerit imaluunniit praktikkertitsinermi sammisassaqartitsilluarnerit inuusuttut kajumissuseqalersittarpaat:
- inuunerminnut akisussaaffimmik tigusinissaannut
- meeqqat atuarfiat naammassigunikku ilinniarfissaasinnaasumik toqqaanissaannut
- ilinniarfissat imminermut tulluuttut toqqarneqarnissaannut
… TASSAMI ilissi aqqutigalugi ilissitut sulilerusullutik siunissami suut periarfissarinerlugit suullu maannangaaq aaqqiiffigisussaanerlugit takusinnaalissagamikkit. Uniformit kiinarsineqartarput qanorlu oqaasissaqarnersusi tusarnaartoqalertarluni. Tamassumalu kingunerivaa ilissi peqqutaallusi matematikkimi fysikkimiluunniit karakteriginnerulerneri, tassami siunissami suliffigerusutaanni tamanna piumasaqaataasinnaammat.
Qanoq iliorsinnaavisi?
Suliassarujussuartut isiginiarneqarsinnaavoq, kisiannili nutaarsiassatsialassuaq tassaavoq, periuutsimik nutaamik ujartuisoqartariaqanngilaq siunissatsinnut iliuuseqaqataaniarussi. Atuartunut suliuniummik pilersitsinissassinnut Qaqisa!-mi atuarfeqarfit suliffeqarfiillu suleqatigiinnerunissaat pillugu tamakkiisumik suliniuteqarsinnaavusi suleqatissarsiorsinnaallusilu.
Soorunami aamma periarfissaavoq ilitsersuutip isumassarsiorfigineqarsinnaanissaa paasissutissanillu aallerfiusinnaanissaa, tassami ilissi nammineerlusi piumassusersi aallaavigalugu iliuuserisariikkassinni pitsanngorsaasinnaavusi, assersuutigalugu atuartut praktikkertarnerannut atatillugu. Ilitsersuummi atoartussat qanoq atorneqarsinnaaneri takusinnaavasi aammalu atuarfeqarfiit suliffeqarfiillu pitsaanerusumik atassuseqalersinneqarsinnaaneranut qanoq iliortoqarsinnaanersoq aamma paasissutissanik pisinnaallusi. Ilassutini aamma atorneqarsinnaakutsoortunik immersugassaqarpoq atoriaannaaviusunik. Praktikkertoqarnissamut isumaqatigiissummik imaluunniit praktikkertoqarnerani suliassat suunerinik nassuiaasiorfissamik pisariaqartitsiguit ilassutit qiviaannarsinnaavatit, aaneqariaannaapput paasissutissanillu immersorneqariaannaallutik.
Nukiit tamarmik pisariaqartinneqarput, paasisaqarnerorusukkuit arlaatigulluunniit ilassutissaqaruit atuarfiit imaluunniit piffimmi suliniummi ingerlatsisut saaffigisinnaavatit imaluunniit CSR Greenlandi saaffigineqarsinnaavoq, csr@csr.gl-imut.
Ilitsersuut uani aaneqarsinnaavoq.
INI A/S-ikkormiut qanoq iliorlutik atuarfinniit praktikkertussanik qarmaasimanersut uani takusinnaavat.
Suliffeqarfissi arlaatigut immikkut atuarfimmiit praktikkertunut suliniuteqartarpa, taava CSR Greenlandiminngaanniit tusarfigerusuppatsigit.
