Silap pissusaanut sammisat pillugit suliffigisanni iliuusissasi paasisaqarfigikkit
Kalaallit Nunaat Paris-mik isumaqatigiissummut peqataanissaminut piareersarpoq, tamannalu inuiaqatigiinni assigiinngitsorpassuartigut sunniuteqartussaavoq. Taamaattumik pisortatut, siulersuisuni ilaasortatut imaluunniit aalajangiisartutut inissisimaffeqaraanni silap pissusaanut sammisat pillugit iliuusissat, paasissutissat kiisalu suliffeqarfimmut piumasaqaataasinnaasut ilisimasaqarfiginissai pingaaruteqarpoq.

’Silap pissussaanik sammisaqarnissamut piareerit’ pillugu ullut marluk ingerlanerini suliffeqarfissinni silap pissusaanut ilissi iliuuserisinnaasasi pillugut ilinniartinneqassaasi. Pikkorissarnermi illit pisortatut, siulersuisuni ilaasortatut imaluunniit aalajangiisartutut inissisimaffinni ingerlatsinikkut aammalu akisussaasusilimmik iliuuseqarnissamut sakkussannik pissarsiaqassaatit.

Pikkorissarnermi uku ilisimasaqarfigilissavatit:

• ’Code Red for Humanity’: Sooruna silap pissusaanut tunngasumik sammisaqarnissaq taama pingaaruteqartigisoq?
• Isumaqatigiissutit sorliit aammalu Kalaallit Nunaanniit isigalugit silap pissusaanik sammisaqarnermi anguniakkat sorliit pingaarnersaappat
• Soqutigisaqaqatigiinniit assigiinngitsuniit suliffeqarfinnut kattuffinnullu naatsorsuutigisat
• Silap pissusaanut sunniutisi pillugit qanoq uuttortaassavisi, uppernasaasiussavisi aammalu nalunaarusiussavisi – Greenhouse Gas Protokollen-imi najoqqutassiat ’scopes’ pingasut isumaat paasisaqarfigikkit
• Silap pissusaanut suliniutigisassassinnut anguniagassat ilusilersornissaannut Science Based Targets (SBTi) ilitsersortinneq
• Suliffeqarfiit kattuffiillu allat qanoq suliniuteqartarpat? Suna ajornanngila? Aammalu suna ajornakusoorpa?
• Periusissiornermi silap pissusaanut navialaffiusinnaasut isummersorfiginissaat aammalu nalunaarusiornermi nunat assigiinngitsut inatsisitigut najoqqutaat TCFD-tut atornissaat imaluunniit isumassarsiorfiginissaat
• Suliffeqarfittut qanoq silap pissusaanut suliniutisi anguniakkasilu pillugit avammut paasissutissiisassavisi ’Green washing’-tut paasineqartussaanngitsumik

Pikkorissarnerup ingerlanerani suliakkinneqarneq, pikkorissaqaqatillu oqallillusi, immikkut saqqummiisut pissangartut misigissavatit taamaalillutillu suliffissinni silap pissusaanut sammivilimmik suliniutissasi pillugit piareersimanerulissallutit.

Pikkorissarneq ulluni marlunni ingerlanneqassaaq nal. 9.00-miit 16.00 tungaanut ulluni 2. – 3. Maj 2023.

Akia: 8.500 kr.

Akiliutigisanni uku pissarsiarissavatit ulluni marlunni pikkorissarneq, ilinniartitsissutigineqartut (atuagaq qallunaatooq ataaseq), pikkorissaaneq qaffasissoq pikkorissaasut immikkut silap pissusaanut sammivilimmik aammalu Kalaallit Nunaannut ilisimasaqartut kiisalu ulluni pikkorissarfiusuni ullup qeqqasiornerit.

Suliffeqarfimmit ataatsimiit peqataaniarlutik nalunaartut marluuppata imaluunnit amerlaneruppata tamakkiisumik akiliisup saniatigut peqataasut 20%-mik akikillisaavigineqassapput. Suliffeqarfiit kaammattorneqarput akikillisaaneq atorluarlugu sulisunik arlariinnik peqataatitaqassasut – silap pissusaanut sammivilimmik suliniuteqarnermi arlariiulluni suleqatigiinneq isumasioqatigiittarnerlu ajornannginnerummat, suliniutit assigiinngitsunik sammiveqartumik eqqartorneqarsinnaammata aammalu suliffeqarfimmut naleqquttumik piujuartitsineq pillugu suliniuteqarnissaq ajornannginnerulissammat.

Nalunaarfissaq: csr@csr.gl -mut ullut pikkorissaavissat qaammammik ataatsimik sioqqullugit. Nalunaarneq atuuttussaatinneqassasoq malugiuk.