Kalaallit Nunaanni CSR ilinniarnertuutut ikiortissarsiorpoq
Ilinniartuuguit uteriitsoq pikkorissorlu, unammillernartunut nutaanut merserisaqajuitsoq – CSR-imillu soqutiginnittoq – taasaasinnaavoq illit ilinniarnertuutut ikiortissarput, Kalaallit Nunaanni sanngisuumik piujuaannartitsinermillu tunngaveqartumik ineriartornermut qularnaareqataalersinnaasoq.
Suliassat
Suliassatit suliniutinik ikorfartuinermit attaveqaqatigiinnermut, aammalu attaveqarfinnut ulluinnarni allaffissornermut tunngasinnaapput. Soqutigisatit pisinnaasatillu naapertorlugit suliassavit qanoq katitigaanissaat sunniuteqarfigissavat. Ilinniartuussaatit ajornanngippallu ukiuni marlussunni sulinermik misilittagaqarsimassallutit. CSR pillugu ilisimasaqaruit aammalu danskisut kalaallisullu oqalussinnaaguit allassinnaaguillu iluaqutaassaaq.
Inuttut ammasuussaatit suleqatikkuminartuussallutillu aammalu qunusuissuseqarluassaatit. Namminersorlutit ataqatigiissumillu sulisinnaassaatit, suliassallu naammassinissaasa malinnaaffigisinnaassallugit.
Pisinnaasat
Ilinniagaqartuullutillu pitsaassaaq ukiuni arlalinni suliffeqarnermik misilittagaqartuuguit. Iluaqutaassaaq CSR pillugu ilisimasaqaruit aammalu danskisut kalaallisullu oqalussinnaallutillu allassinnaaguit.
Inuttut inussiarnersuullutillu suleqatiginnissinnaassuseqarluartuussaatit, sullissuseqarusussuseqartuullutit nutaanillu sammisaqarussuseqartuussallutit. Nammineerlutit aaqqissugaasumillu sulisarputit, pitsaassuseqartitsiniartartuullutillu suliassanik naammassisaqarniartartuuvutit.
Neqerooruterput
Kalaallit Nunaanni CSR-ip allaffeqarfiani sulisut suleqatigissavatit, maannalu allaffeqarfiup pisortaa, attaveqaqatigiinnermik sulialik kiisalu siunnersorti avataaneersoq tassaniipput. Kalaallit Nunaanni Sulisitsisut allaffianni Nuummiittumi allaffeqarpugut, taamaattumillu Sulisitsisut sulisui qulit ulluinnarni suleqatigisartussaassavatit.
Ulluinnarni sulininni suliffeqarfiit pisortanilu suleqatigisavut amerlasuut attavigisartussaassavatit. Unamminartunik suliaqartassaatit aammalu CSR suliniutinillu suliaqarnerit misilittagaqarfigilissavatit.
Atorfininnermi atugassarititaasut
Sapaatip akunneranut akunnerit 10-15 suliffiusassapput, pisinnaasallu naapertorlugit akissarsiaqartitsisoqassaaq. Sapinngisamik piaartumik isumaqatigiissuteqarnikkulluunniit atorfinitsitsisoqassaaq.
Paasissutissat amerlanerusut
Allaffeqarfiup pisortaanut Lotte Frank Kirkegaardimut csr@scr.gl-imut imaluunniit oqarasuaatikkut +299 363716-imut saaffiginninnikkut paasissutissanik amerlanerusunik pissarsisoqarsinnaavoq.
Qinnuteqaat ilanngussanik attuumassuteqartunik tapertaqarsinnaasoq Studentermedhjælp-imik nalunaaqutsiussaq csr@csr.gl-imut nassiuguk.
Qinnuteqaatit ingerlaavartumik nalilersorneqassapput. Ulloq qinnuteqarfissap killinga: 15.09.2016
CSR Greenland tassaavoq kalaallit suliffeqarfiisa attaveqaqatigiittarfiat, suliffeqarfiit inuiaqatigiinni akisussaassuseqarnerannik aallutaqartoq. Amerlanertigut pisortat, suliffeqarfiit suliniaqatigiiffiillu nammineq kajumissuseq tunngavigalugu ingerlasut suleqatiginerisigut suliniutinik inooqatigiinnermut avatangiisinullu tunngasunik ineriartortitsinerit qaffaaserillu aallutaraavut. Suliniutit ilaatigut ilinniartitaanermut, avatangiisinut peqqissutsimullu tunngasut suliarisarpavut.
