Kalaallit Nunaanni Inuummarissaasut 60-it ilinniarlutik naammassipput
”Inuummarissaasut”-ut taaguuserneqartunik pikkorissaaneq,”Suliffeqarfit peqqissut” ingerlanneqarnerani qitiutinneqartut ilaattut inissisimavoq
”Pikkorissaanitsinni suliffeqarfinni malugivarput peqqinnissaq ineriartornissarlu assut pingaartinneqartut. Suliffeqarfinnut sammisumik Inuuneritta II-mik taallugu pikkorissaaneq ingerlanneqartoq siunnerfimmut pitsaasumik tunuliaqutsiivoq. Tamaattumik nuannaarutigaarput ”inuummarissaasut”-nik pikkorissaaneq annertuumik tapersersorneqarmat, qilanaarpugullu ingerlatap ukiuni tulliuttuni pingasuni malittarinissaa”, Peqqinnissamut Naalakkersuisoqarfimmi pisortaqTine Pars, oqarpoq.
Inuummarissaasut” 60-iusut sulianiaqatigiiffinnit assigiinngitsunit 21-ineersuuppput Ilulissaniillu kujammut Nanortalimminngaanneersuullutik ataaserlu Københavniminngaanneersuulluni, taamatullu attaveqarneq siammasissoq pilersinneqarpoq;
”Attaveqalersitsinermi eqqarsaataasoq tassaavoq, ”Inuummarissaasut” siammasissumik attaveqarlualernissaat, periarfissaqalerlutik isumassarsiaminnik misilittakkaminnillu siammartiterisinnaanissamut, taamatullu ilisumik ammaallugit peqqinnissamut suliuniutaasinnaasut amerlanerit, suliffeqarfinnut, sulisuusunut ilaqutarisaasunullu, iluaqutaasussat.
Suli suliffeqarfinnit pisortaqarfinnillu pikkorissaaneq pillugu saaffigineqartarpugut, tamatumalu takutippaa qanoq pingaartigisoq suliffeqarfinni peqqinnissap ineriartornissallu eqqumaffiginissaat. Maanna suleqatigiinnerput aallartissavarput isumannaarinninniaqataaffigissallugulu ”Inuummarissaasut” pitsaasunik sakkussaqarnissaat aammalu suliffeqarfimminni peqqinnissamut atasunik suliniutaasartussat ilisimallugit kivitsisinnaanissaat” – Ivinnguaq Kristiansen, ”Suliffeqarfiit peqqissut” avammut attaveqarnerani ataqatigiissaarinermut pisortaq, oqarpoq.
Inuuneritta II tassaavoq Naalakkersuisut periusissiaat tunngaviusumillu atuarfinni peqqinnissaq pillugu 2013-imiit 2019-imut anguniakkatut siunnerfigisaat.
