”CSR & SUSTAINABILITY LEADERS”-IT 8-T NAAMMASSISUT
Pikkorissartitsineq ukiup affaanik sivisussuseqartoq naggaserneqartoq Københavnimut paasisassarsiornermik
Pikkorissartitsineq ”CSR & Sustainability Leaders 2017” ullunut 12-inut agguataarlugu, ukiup affaa ingerlanneqarsimavoq. CSR aamma piujuaannartitsinissaq pillugu pikkorissartitsineq qaffasissumik ingerlanneqarsimavoq, pikkorissartullu ulluinnarni suliffimminni sakkussaminnik tuniorarneqarsimallutik.
Naggataarutaasumik København-imi suliffeqarfinnut assigiinngitsunut paasisassarsioriartortoqarpoq, suliffeqarfiillu pulaarneqartut (Copenhagen Business School, Dong Energy, Gladsaxe Kommune, Carlsberg, Hotel Guldsmeden, Pandora, Nordea og ScaleDenmark) CSR pillugu suliniutitik saqqummiuttarsimavaat.
CSR Greenland-ip peqataasimasut pilluaqqorusuppai qilanaarutigalugulu Kalaallit Nunaanni CSR pillugu suleqatigiinnissaq.
Kikkut ”CSR & sustainability leaders”-itut taasinnaanngorsimanersut ataani takusinnaavatit.
“CSR & Sustainability Leaders 2017”:
Kommuneqarfik Sermersooq: Bilo Høegh Stigsen, Runa Mathiesen & Rasmus Weitze
GrønlandsBanken: Ulrik Stenius & Peter Rex
Katuaq: Julia Pars
Hotel Arctic: Hansinannguaq Magnussen
CSR Greenland: Ivinnguaq Kristiansen
