52.000 kr.-t QAQISA!-mut
GrønlandsBANKENip ulloq 24. august 2017 ukiunik 50-inngortorsiorluni nalliuttorsiorneranut atatillugu soqutigisaqaqatigisai periarfissaqarsimapput siunnerfinnut pitsaasunut assigiinngitsunut aningaasanik tunniussaqarnissamut.
CSR Greenlandimit atuarfinni ingerlanniakkamut QAQISA!-mut tunniussaqarnermi peqataasimasut tamaasa 52.000-eriarluta qutsavigiumavagut. Assilisami takuneqarsinnaapput Carsten Th. Pedersen aammalu Lotte Frank Kirkegaard, atuarfinni ingerlatassamut atatillugu aqutsisoqatigiinneersut, aningaasanik tigusisut.
Pilersaarutaasoq naatsumik ilisaritillugu aammalu nassuiarlugu aningaasat sunut atorniarneqartut
Ingerlatassami qitiutinneqarpoq suut ataatsimoorullugit ingerlanneqarsinnaasut pillugit ilitsersuutissamik inerisaanissaq, tunngaviusumik atuarfinni atuartut angajulliit, ilinniartitsisut, siunnersuisartut angajoq-qaallu najugarisami inuussutissarsiornermik ingerlatsisut peqatigalugit atorsinnaasassaannik. Ilitsersuutinik nunaqarfinnut illoqarfinnullu immikkut atugassanik sanasoqassaaq. Pingaarnerpaatinneqarpoq tunngaviusumik atuarfinni atuartut angajulliit atuarnerminnik naammassinnikkunik ilinniagaqalernissamut kajumilersinnissaat, tamannalu ingerlanneqassaaq atuarfiit inuussutissarsiornermillu ingerlatsisut qanimut suleqatigiissinnerisigut. Ingerlanniagaq siullermeersumik ingerlanneqarluni nammassineqaqqammersumik aallaaveqarpoq, taassuma nalilersorneqarnera pitsaasumik angusaqarfiusutut nalilerneqarmat. Pineqartorlu ingerlanneqassaaq 2017-ip ukiaani, suliarinnittoralugu pilersaarummut pisortaq. Taasumalu illoqarfiit/nunaqarfiit 10-t tikeraassavai atuartut, ilinniartitsisut, siunnersuisartut, angajoqqaat, namminersorlutik inuussutissarsiortut il.il apersorlugit isumassarsiorfigiartorlugit. Aningaasallu tunniunneqartut meeqqanut suleqataasunut tunissutissannguanut atorneqassapput, taakkumi isumassatsinnik immersortussaammatigut, qanoq suleriartoqassasoq tunngaviusumik atuarnerup naammassinerata kingorna naammassisut pitsaasumik ilinnialernissaasa isumannaarniarnissaa nukittorsarumallugu.
