Inatsisartuni kinguaariit nunarsuarmi anguniagassatut siunnerfii nakkalaterneqarput
Sisamanngormat ulloq 26. oktober 2017 Inatsisartuni piujuaannartitsineq tunngavigalugu ineriartortitsinissamut atatillugu nunarsuarmi anguniagassatut siunniussat oqallisigineqarput. Inuit Ataqatigiiit Inatsisartuni ilaasortaanit pineqartoq oqaluuserisassanngortillugu qaqinneqarpoq:
”Apeqquteqaat aallaavigalugu oqallinnissamik siunnersuummi allaavigineqarpoq, qanoq iliorluni FN-imit piujuaannartitsineq tunngavigalugu ineriartortitsinissamut atatillugu anguniakkatut siunnerfiit 17-iusut Kalaallit Nunaanni ineriartornermut aammalu Naalakeersuisut sulinerannut pulatinneqarlutik isumannaarneqarsinnaasut.”
CSR Greenland oqallinnerup ingerlanerani Inatsisartut ataatsimiittarfianni naalaarpoq.
”Nuannaarutigeqaarput anguniakkat siunnerfiit pitsaasumik tikilluaqquneqarlutik tiguneqarmata. Neriuppugullu nunarsuaq tamakkerlugu anguniagassatut siunniussat tunngavigalugit politikkikkut nuna tamakkerlugu iliuuserisassanik pilersaarusiorneq nunatsinni unammillernartunut tunniussaqarsinnaajumaartoq. Misigisimalereerparput, suliniaqatigiiffiit arlaqartut anguniagassat orninniarnerini ikiuutilereersut. Politikkikkut erseqqissumik tapersiineq aammalu susassaqarfiit assigiinngitsut akimorlugit suleqatigiinnerit aqqutigalugit peqatigiilluta malunnaatilimmik sulisinnaavugut pilersillugu siunissami Kalaallit Nunaanni piujuaannartitsineq tunngavigalugu ingerlatsinissaq – taamallu nunarsuaq tamakkerlugu anguniagaasuni peqataalernissaq.” Lotte Frank Kierkegaard, CSRimi allatseqarfimmi pisortaasoq oqarpoq.
Kinguaariit nunarsuarmi anguniagaat
Kinguaariit nunarsuarmi anguniagaanni ipput kinguaariit, nunarsuarmi piujuaannartitsineq tunngavigalugu ineriartortitsinissamik pilersitsisinnaasut. Kinguaariit nunarsuarmi anguniagaat FN-ip piujuaannartitsineq tunngavigalugu nunarsuaq tamakkerlugu siunniussaasa 17-it ilagivaat piitsuunerup piuneerutsinnissaa (Anguniagaq 1), kaannerup piujunnaartinnissaa (Anguniagaq 2), nunarsuarmi atukkatigut naligiinnerulernissaq (Anguniagaq 10), Pitsaasumik ilinjiarsinnaanerup tamanut ammaannissaa (Anguniagaq 4) aammalu Imaani uumassusillit illersornissaat (Anguniagaq 14). Nunat 196-it FNimut ilaasortaasut anguniakkat 17-it pineqartut akuerinikuuaat nunarpassuillu nunaminni sulinissanik pilersaarusiorsimapput, tamakkunanilu soqutigisat suliniutillu akimorlugit suleqagiinneq annertuumik sukaavoq napatitsisuusoq.
Inatsisartuni oqallinnermut atatillugu annertunerusunik paasiniaagit ugguuna
Verdens Bedste Nyheder: https://sustainabledevelopment.un.org/
