Aallartitsineq! Akisussaassuseqartumik pisiniartarneq pillugu oqallittarfimmi pisussaq tulleq
Ileqqorissaarnissaq, qanoq ingerlatsinissamut tunngavissiat, avammut attaveqarnermi piumasarisat, akisussaaqataanermut atatillugu piumasarisat (CSR) – allarpassuillu. Suliffeqarfippassuit aammalu pisortat ingerlatseqatigiiffii pisiniarnernut neqerooruteqarnernullu atatillugu inuiaqatigiinni akisussaaqataasutut piumasaqaateqartaleriartorput – taamallu suleriuseqarneq pilersuisunit malugineqarsinnaavoq.
Imaannaanngitsuusinnaavoq CSR tunngavigalugu erseqqissunik naleqquttunillu piumasaqaateqarsinnaaneq – aamma unammiornarsinnaavoq taamaattut pitsaasumik kinguneqartinnissaat anguniassallgu. Taamaattumik Sulisitsisut CSR Greenlandilu suliffeqarfiit ilaasortarisat Akisussaassuseqartumillu Pisiniartarnissaq pillugu Oqalittarfik suleqatigiillutik sammivimmut annerunerusumik saqitsaaniarput piginnaasaqassutsikkullu qaffassaaniarlutik.
Ingerlanniakkami pikkorissaanerit, isumasioqatigiissitsinerit assersuusiortarnerillu atorlugit suliffeqarfiit CSR-imi piumasaqaatinik ilisimanninnerulernissaq angujumallugu suliniuteqarniarpoq. Pisiniartutut pilersuisut tungaannut sunik piumasaqaateqartoqarsinnaava aammalu pilersuisut qanoq iliorlutik piumasarineqartut naammassisinnaavaat?
Akisussaassuseqartumik Pisiniartarneq pillugu Oqallittarfik
Akisussaassuseqartumik pisiniartarneq pillugu Oqallittarfik (FAI) 2016-imi CSR Greenlandip ”akikinnerpaaq pitsaanerujuartuua?”-mik taallugu ataatsimeersuartitsinerata kingorna 2016-imi tassunga malitsitut pilersinneqarpoq. Oqallittarfiliornikkut anguniarneqarpoq Kalaallit Nunaanni soqutigisaqaqatigiit akunnerminni akisussaassuseqartumik pisiniartarneq pillugu pitsaanerusumik oqaloqatigiittalernissaat pilersinneqarporlu Sulisitsisut, CSR Greenland aamma Transparency International Greenlandip akornanni suleqatigiissutitut.
FAI-ip sulinera pingasoqiusanngorlugu aggulugaavoq: 1) Kalaalit Nunaanni akisussaassuseqartumik pisiniartarneq annertunerulersarumallugu, 2) pisiniarnerni tigusisussarsiorlunilu neqerooruteqarnerni CSR tunngavigineqarnerulersikku-mallugu, 3) pisiniarnerit tigusisussarsiornerillu ammanerusumik ingerlanneqaler-nissaat angujumallugu. Ingerlatsineq siulleq 2017-ip ukiaagaa naammassine-qarpoq, tassani akisussaassuseqartumik pisiniarnermut atatillugu kaammattuuter-paaluit sammineqarlutik. Ingerlatsinissap tullia ”Pisiniarnerni tigusisussarsiorner-nilu CSR aallaavigalugu piumasaqaasersuisarnissaq” 2018-imi ukiarpat ingerlanne-qassaaq.
Peqataarusuttut, CSR Greenlandimut attaveqaqquneqarput saaffiginnillutik una allaffigalugu csr@csr.gl.
PowerPoint atorlugu saqqummiinermi atorneqartoq uani takuuk: CSR krav i indkøb
