Niuerneq avatangiisillu imminnut tasiorput…..
Oqaatigisaq imatut nutaartaqanngilaq. Nutaartaali soqutiginartortaalu tassaavoq taakku qanoq ataatsimuulersinneqarsinnaanerat – mannami anguneqarpat niueriaatsit nutaarpassuit ammaanneqartussassammata.
Nunarsuit pingasuusariaqassapput, suni allani tamani Danmarkimisulli ingerlasoqaleraluarpat…. Nunarsuup pisuussutaanik atuivallaarneq eqqarsaatini ilaavoq. Sumiiffigisatsinnilu isarussagut atigutsigit, aamma takussavarput, nammineq pilersitat tikisitatullu pissarsiarisartakkat atorluarnerugaanni angusaqarnissamut periarfissaqarluartoq. Taamaattumik piffissanngorpoq maanna atueriaaseq qimallugu – arlaatigut piiaariarluni igitsinermik kinguneqarajuttoq qimallugu – atuilluarneq eqqutissallugu. Misissortariaqarpagut suut ilutsinni kaaviaartut sivisunerujussuarmik atortalersinnaanissaat pilersissinnaanerlugu, misissorlugu qanoq iliorluta tamakku naleqarnerat sivitsorsarsinnaallugu aammalu qanoq iliorluta nammineq pigisatta isumatusaarnerusumik atornerisigut immitsinnut iluaqusersinnaanerluta.
CSR Greenlandimit uani sapaatip akunnerani ilaasortat attaveqalersitsiniarluni ataatsimeeqatiginerini tamanna annertuumik sammineqarpoq. Atuilluarnikkummi aningaasaqarnikkut nukittorsaaneq suua? Sooq soqutiginaqaa? Uagut nammineq qanoq iliorsinnaavugut misissorlugit periarfissat, ataatsimoorussinerit suleqatigiissinnaanerillu, suliffeqarfinnut iluanaaruteqartitsisinnaasut aammalu avatangiisitsinnik mianerinnissutaanerusinnaasut – inuit pinngortitarlu eqqarsaatigalugit. Tamakkuupput ataatsimiinnermi ilaatigut sammisagut.
Ataatsimiititsinermilu aamma ilisaritipparput pilersaarut ”piujuaannartitsilluni atuilluarneruneq aammalu atuilluarnikkut aningasaqarnikkut nukittorsaaneq”, ingerlanniagaq CSR Greenlandip Kommuneqarfik Sermersooq suleqatigalugu ingerlannialersaagaa. Ingerlatsinissami pisussatut siulliusussaq tassaavoq minguinnerusumut ikaarsaarnerup aammalu inissialiornernut sanaartuinernullu aammalu aalisarnermut eqqaavilerinermullu atatillugu atuilluarnikkullu aningaasaqarnikkut nukittunerulernissamut periarfissanik nalilersuinissaq. Misissukkat inerneri nalunaarusiarlu CSR Greenlandip ukioq manna kingusinnerusukkut ataatsimeersuartitsinissaani saqqummiunneqarlutik ilisaritinneqarumaarput.
Saqqummiinermi atorneqartoq uani takuuk.
