Allattoqarfimmi pisortaq nutaq
Ulla Lynge CSR Greenlandimi allattoqarfimmi pisortatut nutaatut atorfinitsinneqarpoq. Aallartippoq 1. august 2018.
Ulla Lynge ilinniarsimasamigut, inuttut tunngavimmigut avataanilu attaveqarluarnermigut Lotte Frank Kirkegaardimik taarsiilluni inginnissamut naleqqulluinnarpoq, Brian Buus Pedersen, CSR Greenlandimi siulittaasuusoq GEmilu pisortaasoq oqarpoq.
Ulla Lyngep nangissavai CSR Greenlandip suliffeqarfiit suleqatigisat soqutigisaqaqatigisallu allat peqatigalugit suliarisai soqutiginartut. Ulla Lynge sulinermi ingerlanerani ineriartortitsinermut sammisut suliarisarisimavai minnerunngitsumik inuussutissarsornermut tunngasutigut ineriartortitslluni suliassaasarsimasut, ukiorpaalunnilu Namminersornerullutik Oqartussat kommunillu allaffissuaqarfiini atorfeqartarsimavoq.
Ukiuni kingullerni qulini Ulla Lynge pisortatut sulisimavoq, kingullertut Sermersooq Business Councilimi pisortatut, tassani akisussaaffigisimallugu ukiumoortumik inuussutissarsiornermut sammisunik pilersaarusiortarneq, taassuma ataani sammiviit attuumassuteqartut makkuusut ilanngullugit, pilersitsisarnerit, takornariaqarneq, aalisarneq, najugaqarfi usuni ineriartortitsineq, inuussutissarsiornermut tunngasunik misissuisarnerit il. il. Sermersooq Business Council-iilu atorfeqarnermi kingorna Ulla Lynge Soraarnermusialeriffimmi SISA-mi pisortaasimavoq.
Ulla Lynge Ilisimatusarfimmi cand.scient.adm.-itut ilinniarsimasuuvoq kingusinnerusukkullu Londonimi Henley Business Schoolimi MBA-nngorniarluni ilinniaqqissimalluni.
