Lotte inuulluaqquarput
Sisamanngornermi ulloq 31. juni CSR Greenlandip allattoqarfiani pisortaq Lotte Frank Kirkegaard naggataartoq inuulluaqqujumallugu ilasseqatigiissitsivoq. Lotte-lu sulisimanerminik kingumut qiviarluni oqaaseqarpoq;
”Ukiut tallimat suliffigisakka sukkaqalutillu pisoqarfiusimaqaat. Allattoqarfimmi suleqatit allatullu peqatigisat suleqatigilluarsimavagut, tamannalu CSR-imut ilisarnaataalersimavoq, tulluusimaarutigaarpullu pisortat suliffeqarfiinit privatiniillu qanimut suleqatigiumaneqarsimanerput. Ataatsimoorlutami ingerlatsinerput peqqutigalugu, ingerlatsiviit assigiinngitsut akimorlugit suliat amerlasuut kivissinnaasimavagut. Uannullu tamanna nunarput tamakkerlugu ”suleqatitaartornermik” misigisitsisimavoq, tamaattumillu ukiuni kingullerni tallimani suleqatigisimasakka pilersaarusioqatigisarsimasakkalu CSR Greenlandimik malittarinnillutillu suleqatiginnissimasut tamaasa qutsavigiumavakka. Augustusip qaammataata aallaqqaataaniit CSR Greenland nutaanik nukinnik aquttoqalissaaq neriuutigaaralu Ulla D. Lynge CSR-imik suleqatitaassassittut nutaatut tikilluaqqulluarumaarissi”.
CSR Greenlandimit Lotte CSRimik nunatsinni ingerlatsilluarlunilu sullissilluarsimaneranik qutsavigiumavarput Danmarkimilu ilaquttanilu siunissami ingerlalluarnissaanik kissaakkumallugu.
