QAQISA
Atuarfiit-suliffeqarfiillu suleqatigiinnerat QAQISA nuna tamakkerlugu peqataaffigineqarnissaa anguniagaavoq
CSR Greenland-ip QAQISA Kalaallit Nunaanni kommuninut tamanut atugassanngortinniarpaa. Tamanna aallartisarneqassaaq aallarnisaataasumik naapisitsinernik 2019-imi qaammatini pingasukkaani siullermi kiisalu aappaani ingerlatsinikkut.
Atuarfiit suliffeqarfiillu akornanni QAQISA suleqatigiinneruvoq pingaaruteqartoq. Atuartup ilinniakkamik toqqaanissaanut QAQISA ikorfartuivoq.
Pingaarutilimmik allanngueqataagit
Piffimmi suliffeqarfiit QAQISAmi peqataanissaat pingaaruteqarpoq. Suliffeqarfinnut suliassaq tassaavoq pulaarneqarnissamut piareersimanissaq, aammalu imaluunniit suliffimmi sungiusarfissatut neqerooruteqarnissaq aammalu imaluunnit piffimmi ilinniarfissat pillugit nittarsaassinermi peqataanissaq. QAQISAmi tunniussimaarlusi atuarfiit suliffeqarfiillu akornanni suleqatigiinnerup patajaallisarnissaanut peqataagit/-gitsi. Suliffeqarfiit peqataanerat inuusuttut ilinniakkamik aallartitsinissaannut kaammattuisarpoq.
QAQISAmi peqataanissat/-sarsi piffimmi sulisitsisut peqatigiiffiata siulittaasuanut imaluunniit toqqaannartumik CSR Greenlandimut attaveqarlutit nalunaarutigiuk.
Film
CSR Greenland filmeeqqanik naatsulianik sisamanik atuarfimmut, atuartumut suliffeqarfimmut kiisalu QAQISA pillugu ilisarititsinermik imaqartunik saqqummersitsivoq. Filmeeqqani peqataasut QAQISAmi peqataanermi tunniussimaarnertik pissarsiatillu oqaluttuaraat.
Filmeeqqat QAQISAmut peqataasussanut nutaanut annerusumik kajumilersitsinissaat CSR Greenlandimit neriuutigineqarpoq.
Qeqqata Kommunia
Qeqqata Kommuniata inuussutissarsiornermut siunnersuisooqatigiit Arctic Circle Business suleqatigalugit kommunep atuarfeqarfiinut suliniut QAQISA siammarterniarpaa. Qeqqata Kommuniata kommunip atuarfeqarfiinut ukiumoortumik pilersaarusiornermi aalajangersimasumik QAQISAmik ingerlatsisarnissaq taamaasilluni piareersaataasumik 2015-2017-imi ingerlatsinermini misilittakkani atorlugit namminersuutigissavaa.
