QAQISA workshop
CSR Greenland Sisimiuni atuarfinniit, inuussutissarsiortuniit Arctic Circle Businessimiillu peqataaffigineqartumik QAQISA pillugu workshopertitsivoq.
Workshopertitsinermi QAQISA pillugu pilersaarusiortoqarpoq filmeeqqallu QAQISA-mut tunngasut aamma takutinneqarlutik.
Sisimiuni QAQISA pillugu pilersaarusioqatigiinnik pilersitsisoqarpoq, taakkualu arlaleriarlutik ataatsimeereerput.
Sisimiut QAQISA pillugu illoqarfik maligassiuisoq
Sisimiut QAQISA misiliutigalugu ingerlanneqarnerani 2015-imiit 2017-imut peqataavoq. Misilittagarisatillu aallaavigalugit Qeqqata Kommunia aaliangersimavoq suliniut kommunimi atuarfinnut tamanut siammarterneqassasoq.
Qeqqata Kommuniani Arctic Circle Business QAQISA-mik ingerlatsisuuvoq:
“QAQISA-mi peqataavugut. Suliffeqarfiit attaveqarfigilluarpagut. Atuarfiit ilinniarfeqarfiillu aamma suleqatigivagut. Suliniummi peqataanerput assut pissarsinarpoq. Takusinnaavarput meeqqat inuusuttullu suliniut aallaavigalugu ilikkagaqartartut. Taamaattumik ataqatigiissaarisuuvugut.” – Juliane Henningsen, Pisortaaneq
QAQISA nuna tamakkerlugu ingerlanneqalissaaq
QAQISA nuna tamakkerlugu ingerlanneqalernissaa anguniarlugu CSR Greenlandimiit Avannaata Kommunia Kommune Qeqertalillu apriilimi tikinneqarnissaat pilersaarusiorneqarpoq. Kiisalu Kommuneqarfik Sermersooq ammalu Kommune Kujalleq upernaap ingerlanerani aamma aallartisarnermut workshopertitsinernik neqeroorfigineqassapput.
