QAQISA pillugu aallartisarnermut workshopertitsinerit
QAQISA-p siunertaa tassaavoq 2019-ip 2021-llu akornanni suliniut nuna tamakkerlugu siaruartinneqarnissaa. Suliniut tamanna aallartinneqarpoq CSR Greenlandip Qeqqata Kommuniani Kommuneqarfik Sermersuumilu aallartisarnermut workshopertitsineratigut.
Sumiiffinni taakkunani marlunni QAQISA-p kommunit atuarfiinut siammartinneqarnissaa assut kajumigineqarpoq. Qeqqata Kommuniani inuussutissarsiortut Siunnersuisoqatigiit Arctic Circle Business suliniutip Sisimiuni Maniitsumilu atuarfinnut ingerlateqqinneqarnissaanut akisussaasuutinneqarpoq.
Kommuneqarfik Sermersuumi QAQISA aallartisarneqassaaq Kangillinnguit Atuarfianni, kommunimi atuarfinnut ingerlatsivik Nuummilu Sulisitsisut peqataatillugit.
CSR Greenland-ip Avannaata Kommunia, Kommune Qeqertalik kiisalu Kommune Kujalleq tikeraarniarneqarput aasaaneranilu atuanngiffiup aallartinnginnerani aallartisarnermut workshoppit tamarmik ingerlatereerniarneqalutik kiisalu ukioq atuarfiusumi 2019/2020-imi pilersaarusioqatigiissussat angajullerni atuartunut QAQISA-p ingerlanneqarnissaanut pilersinneqareerniassammata.
CSR Greenland pilersaarusioqatigiissussanut pisariaqartitsisoqartillugu piareersimassapput kiisalu ingerlaavartumik pilersaarusioqatigiinniittut attaveqarfigineqarumaarlutik.
