CSR Greenland Qaqortumi
Maajip 7-aniit 9-anut CSR Greenland Qaqortumut tikipallalaarpoq. Angalanermut qitiusumik siunertaasoq tassaavoq QAQISA-mut aallarnisaalluni workshopertitsinissaq, suliffeqarfinnik naapitsinissaq kiisalu Saligaatsoq pillugu killiffissiuineq.
Peqataasussat QAQISA sumut tunnganersoq aamma qanoq peqataanerminnut naatsorsuuteqartoqarnersoq paasissutissiissutiginiarlugu CSR Greenland ornigulluni ataatsimiigiarnerit ingerlappaat. Ataatsimiinnerit tigulluarneqarput, peqataarusussusermillu takutitsisoqarpoq. Sulisartut Højskolianni aallarnisaalluni workshopertitsineq ingerlanneqarpoq. Tassanilu aaliangerneqarpoq QAQISA ukiumut atuarfiusumut 2020/2021-imut aallartinneqassasoq. Qaqortumi sulisitsisut suliffeqarfinnut pulaaqattaarlutik QAQISA-mut peqataasussanik qammaaniarput, atuarfiusumilu 2019/2020 atuarfinnut pulaarnerit aallartisarujoorniarlugit.
CSR pulaartoq
Piffissaq Qaqortumi suliffeqarfinnut pulaarnernut atorluarneqarpoq. Peqatigiiffiup suut sulissutiginerai aamma nunarsuarmi anguniakkat pillugit naapinnerni oqaluttuarineqarput. Suliffeqarfiit soqutiginninnermik peqataarusussusermillu takutitsipput.
Saligaatsoq Qaqortoq pillugu naapillatsiarnermi peqataasussanut eqqugassaq Kalaallit Nunaanni Brugseni Qaqortumut tunniunneqarpoq. Saligaatsoq Qaqortoq maajip 17-iani ingerlanneqarpoq – uani atuarsinnaavat.
CSR Greenland Qaqortoq qujaffigerusuppaa, qilanaaralugu suleqatigiinnerup ineriartorteqqinnissaa. Ukiaq 2019-imi tikeqqinnissamut periarfissat CSR Greenlandip misissorniarpai.
