QAQISA aallartilluarpoq
CSR Greenlandip QAQISA pillugu aallarnisaalluni isummersuititsinera aallartilluarpoq aammalu tamani ilassilluarneqarpoq
Maanna QAQISA pillugu aallarnisaanerit Sisimiuni, Nuummi aammalu Qaqortumi ingerlanneqarsimalerput. Piffinni tamani kommunemi atuarfinnut aqutsisoqarfik, atuarfimmi aqutsisut, atuarfimmi atuartunut angajullernut aqqutissiuisut minnerunngitsumillu piffinni sulisitsisut QAQISAmut suleqataarusunnertik takutilluarpaat. CSR Greenlandimiit suliniutip QAQISAp ilassilluarneqarnera suleqatigiinnissamullu piumassuseqartoqarnera nuannaarutigaarput. Taamaattumillu qilanaaraarput Aasianni aammalu Ilulissani QAQISA pillugu maajip naanerani naapisitsinissarput.
Nuummi meeqqat atuarfianni atuartunut kiisalu ilinniarfinni ilinniartunullu aqqutissiuisut 8. Maaji naapimmata QAQISA pillugu CSR Greenland saqqummiivoq. Suliniut QAQISAtut ittoq meeqqat atuarfianni atuartunut angajullernut ilinniakkamik toqqaanissaminnut atorfissaqartikkaat aqqutissiuisut isumaqarput.
