2019-imi ataatsimeersuarneq

CSR Greenland ileqquusumik martsip 25-at 2019 ataatsimeersuartitsivoq.

Ataatsimeersuarnermi ukiumut nalunaarusiaq akuerineqarpoq, tassanilu ilaatigut CSR-Greenlandip 2018-imi suliniutigisimasaannut ingerlassimasaannullu tunngatillugu paasissutissiisoqarpoq killiffissiuisoqarlunilu. 2018-imut ukiumut naatsorsuutit aamma akuerineqarput. 2018-imi 56.000 kr.-inik sinneqartoorfiuvoq.

CSR Greenlandip ataatsimeersuariartortunut filimiaqqanik arlalinnik takutitsivoq. Filmiaqqallu suliniutinut sammitinneqarlutik sanaajupput; QAQISA, Suliffiit peqqissut Saligaatsorlu. Taakkualu kingusinnerusukkut  www.csr.gl -ikkut takuneqarsinnaalissapput.

Sara Olsvig, UNICEF-p immikkoortortaqarfiani pisortaq ataatsimeersuarnermi qaaqqusatut oqalugiartuuvoq.