Suliffiit peqqissut
Suliniut Suliffiit Peqqissut CSR Greenlandimit Kalaallit Nunaanni Timersoqatigiit Kattuffiannit aammalu Peqqissutsimut Naalakkersuisoqarfimmit piffissami 2017-2019 ingerlanneqarpoq.
Suliniut ukioq manna naammassineqassaaq, pikkorissaanerni immikkoortut pingajuat 25.-26. september Sisimiuni ingerlanneqassalluni. Pikkorissaanermi tarneq peqqissoq sammineqassaaq.
Suliffeqarfiit tunniussimaartut nalunaarusiornerlu
Suliffeqarfiit 26-it namminersortuniit pisortat suliffeqarfiineersut suliniummut Suliffiit Peqqissuni peqataanermikkut suliffeqarfimminnut Inuummarissaasutut ilinniarsimasunik peqalissapput.
Kalaallit Nunaanni Statens Center for Folkesundhed/SIF-ip suliniut malinnaaffigaa aammalu peqataasut immersugassaanik kiisalu apersuinerit ingerlataralugit. Paasissutissat katersorneqartut aasaq manna naammassineqarnissaat naatsorsuutigineqarpoq. Misissuinerup pingaarnertut qulequttat uku sammivai Peqqissutsikkut ileqqulersornerit (timersorneq, pujortarneq, imigassartorneq), Peqqissuseq aamma atugarissaarneq/iluarisimaarinninneq (nammineq peqqissuseq nalilerlugu aamma nappaatit) kiisalu Tarnikkut peqqissuseq (Inuunermi naammagisimaarinninneq, kiserliorneq aamma suliffimmi nikanarsaasarneq).
SIF suliniummut peqataasunut nalunaarusiornermini immikkoortut pingasut aallaavigissavai:
Nalunaarusiaq suliffeqarfinnut tamanut sammitinneqartoq aammalu 2018-imi Kalaallit Nunaanni innuttaasut peqqissusaannik misissuisitsinermi paasisanut sanilliussineq suliarineqassalluni.
Suliffeqarfimmut/Immikkoortortaqarfimmut naleqqussakkamik nalunaarusiaq, qulit sinnerlugu sulisoqartunut aammalu sulisut pingasoraarterutaasa apeqqutit akisimappatigit.
Imaluunniit suliffeqarfinnut mikinerusunut sammisumik pitsaassutsimut immikkut maluginiagassanik imaluunniit sulissutigineqarsinnaasunik imaqartoq.
Suliniut ingerlateqqinneqasaaq
Kalaallit Nunaanni Timersoqatigiit Kattuffiannit suliniut akisussaaffigineqarluni 2020imit Inuummarissaasunik ilinniartitsineq ingerlanneqalissaaq.
