FN-mut atatillugu ataatsimiinneq

CSR Greenland aamma Kommuneqarfik Sermersooq ataatsimiisitsiniarput Jens Wandel suleqatigalugu. Ataatsimiinneq ullaakkut pissaaq, tassanilu tunngaviusumik eqqartorneqassapput FN verdensmål.

Jens Wandel piujuaannartumik ineriartortitsinerup iluani siunnersortiuvoq, aammalu immikkut siunnersortiulluni FN-nip allatsianut Antonio Guterres, Nobel Sustainable Trust-imi siulersuisutut ilaasortaq.

Ataatsimiinneq pissaaq augustip 14-ani, ullaakkut nal. 07:30 – 09:30 ataatsimiittarfissuup inersuaani Rådhus-imi. (Isaariaq ataatsimiittarfissuup eqqaaniittoq atoruk).

Ataatsimiinnerup nalaani Jens Wandel FN verdensmål ilisaritillugit oqaluuserissavai, aammattaaq nunatsinnut suliffeqarfiutitsinnullu qanoq pingaaruteqartigineri eqqartuissalluni. Tassanngalu aamma ataatsimut FN verdensmål oqaluuserineqarsinnaapput.

Ataatsiminiinnermut peqataaniaruit uunga nalunaarit thjn@sermersooq.gl kingusinnerpaamik augustip12-ani.

Programmi:

07:30 – 07:45 Takkunneq/ankomst

07:45 – 08:00 Viceborgmester Uju Petersen tikilluaqqusinera

08:00 – 09:00 FN verdensmål pillugit Jens Wandel saqqummiinera

09:00 – 09:30 Ataatsimoorussamik FN verdensmål oqaluuseralugit

Ataatsimiinnermi kaffeqarumaarpoq, ullaakkorsiutinillu sassaalliuteqassalluni.

Qilanaarutigaarput takunissarsi

Inussiarnersumik inuulluaqqusilluta

CSR Greenland aammalu Kommuneqarfik Sermersooq