Ilaasortaq nutaaq
Nuuk City Development A/S (NCD A/S) peqatigiiffimmi ilaasortatut nutaatut CSR Greenlandimit tikilluaqquneqarpoq.
NCD A/S tassaavoq ingerlatseqatigiiffik tamakkiisumik kommunimit pigineqartoq, Kommuneqarfik Sermersuumit pilersinneqartoq. Ingerlatseqatigiiffiup nuummi illoqarfiup ineriartortinnissaanut suliniutinik arlalinnik ingerlatsinissaq akisussaaffigaa.
Nuup illoqarfittut ataatsimoortumik attanneqarsinnaasumillu ineriartortinnissaa qulakkeerniarlugu suliniutit arlallit ineriartortitsinermik ingerlatseqatigiiffimmi piumassuseqarluartumi ataatsimoortinnissaat NCD-mi siunertarineqarpoq, taamaalilluni Nuuk najugaqarfigissallugu suliffeqarfigissallugulu aamma siunissami kajuminnartooqqullugu.
NCD ullumikkut suliassaqarfinnik arlalinnik ingerlataqarpoq, taakkununnga ilaallutik: Kommuneqarfik Sermersuumi suliniutinik ineriartortitsineq (atuarfiit, meeqqeriviit il.il.), niuerfinni suliniutinik ineriartortitsineq, Kommuneqarfik Sermersuumi Namminersorlutillu Oqartussani suliniutinik ineriartitsineq kiisalu inissianik attartortitsisarneq.
