QAQISA

Atuarfiup-suliffeqarfiillu suleqatigiiffiat QAQISA maanna ingerlanneqaleruttorpoq. Kommuninit tallimaasunit pingasut aallarniutaasumik isummersoqatigiissinneqarput, tamatumani malitseqartitsinissaq/tikeraaqqinnissarlu ukiap ingerlanerani ingerlanneqartussatut isumaqatigiissutigineqarluni. Kommunit tallimat tamarmiullutik ukiup naannginnerani aallartitsinissaat naatsorsuutigineqarpoq.

Atuartunut QAQISA-mi peqataasunut nalilersuinermut iluserititamik suliaqartoqarpoq. Nalilersuineq tamanna Ph.D.stud.-itut ilinniartumit Mitdlarak Lennertimit aamma Lars Poortimit Ilinniarfissuarmi ilinniartitsisumit ataqatigiissaarneqarlunilu ingerlanneqarpoq.

Atuartut angajulliit sulinermik misiliinnginnerminni, suliffeqarfinnut takuniaannginnerminni aamma/imaluunniit ilinniartitaaneq pillugu saqqummersitsinnginnerminni apeqqutinut akissuteqarfissiamik misileraanissaat pilersaarutaavoq. Atuartoq QAQISA-mi peqataareernermi kingorna misileraammik nutaamik ingerlataqassaaq.