CSR Oslo-mi ataatsimeersuarneq pillugu: paasissutissat annertunerusut nunallu issittut ukkatarinerullugit
Saliinermik suliniutinik suliaqarnerup ilaatut CSR Greenland aggersarneqarpoq Ocean Conservancy’s International Coastal Cleanupimit (ICC) 2019-imit Europe & Middle East Regional ICC Symposiumimut.
Ulluni 24. – 26. Oktober 2019 saliinermik ataqatigiissaarisut Europameersut nunanilu kangianeersut Oslomi attaveqatigiit ataatsimeersuarneranni naapipput. Ataatsimeersuarnerup qulequtarivaa nunani tamalaani sineriannik saliinerit.
Nunat issittut ukkatarineqartut
Ataatsimeersuarnermi Kalaallit Nunaat imaluunniit nunat issittut avannarliit immikkut sammineqanngikkaluartoq, Channel 4-ip ilanngutassiaa eqqartorneqangaatsiarpoq. Ilanngutassiamik isiginnaarsimasut assut tupaallaatigisimavaat Kalaallit Nunaanni eqqakkanut suliarinneriaatsimut. Allannguerusussuseq annertuumik pigineqarpoq, ingammik nunanit avannarlerniittunit. Allaaserisap suliarinerani nunap ataatsip suliniuteqarniarluni aningaasaateqarfimmit akineqarnissani utaqqivaa.
Paasissutissanik katerseriaatsimik issittup immikkoortortaanut naleqquttumik ineriartortitsinissamut periarfissat tamatumanilu unammilligassat immikkut ittut oqallisigineqarputtaaq.
Sineriammi saliinermit paasissutissat naalakkersuinikkut aalajangigassat siuarsartarpaat.
Ocean Conservancy, International Coastal Cleanup ukiuni 34-ni atuuppoq, nunat tamalaat pillugit paasissutissaateqarfiulluni. Ocean Conservancy pinngortitami eqqakkanik katersineq pillugu paasissutissanik katersinermi nittartakkakkut nalunaarsuiffimmik ineriartortitsinikuuvoq, nunarsuaq tamakkerlugu saliisitsinermut ataqatigiissaarisunit atorneqartartumik. Angusat avatangiisit pillugit naalakkersuinikkut aalajangikkat siuarsarneqarnissaannut atorneqartarput, taamaalilluni nunat immami avatangiisinik mingutsitsinerat annikillineqarsinnaaqqullugu.
Nunanut peqataasunut saliinermik suliniutiminnut atatillugu paasissutissanik katersuisarneq atorneruneqassasoq kaammattuutigineqarpoq. Hold Norge Rent assersuusiorput, tamatumani sunoorsit Norgimi pinngortitamut tuttartut ajornartorsiutinit annertunerpaallutik. Paasissutissaateqarnikkut EU-p inatsisaa malillugu sunoorsit EU-mi maleruagassiorneqarnissaat Norgimit sunnerniarsarineqarpoq. Nunat tamarmik assigiimmik suliniuteqarunik aammalu nunat tamarmik eqqakkani ajornartorsiutaasut annersaat inatsimmut ilanngunneqarnerisigut nunani tamani piujuartitsinermik tunngaveqarluni ineriartortitsinissamut siumut alloriarsinnaapput.
Nordic Coastal Clean-upimi attaveqatigiit
Nordic Coastal Clean-upimi attaveqatigiit ataatsimeersuarnerup nalaani immikkut ataatsimiipput. Ukioq manna nunat saliinermit angusaat ataatsimiinnermi avitseqatigiissutigineqarput, 2020-mi sineriannik saliinissaq pilersaarusiorneqarpoq aammalu International symposium on Plastics in the Arctic 2020 and the sub-arctic region-imut atasumik aaqqissuussinermi Reykjavikimi ulluni 21.-23. april 2020-mi ingerlanneqartussami peqataanissamut aaqqissuussinissamullu aalajangiisoqarluni. Ataatsimeersuarneq Islandimi naalakkersuisunit aaqqissuunneqassaaq.
Assimi takuneqarsinnaapput Nordic Coastal Cleanup-imi ilaasortaasut ilaat.
CSR Greenlandimut isumassarsiatsialaat
Ataatsimeersuarnermi nunarsuarmi tamarmi suliniutit assigiinngitsut Kalaallit Nunaannit isumassarsiorfigineqarsinnaasut aamma oqaluttuarineqarput.
Ataatsimeersuarnermi suliniutit assigiinngitsut saqqummiunneqarput soorlu aqqartartut saliisartut pillugit, koraalit nuussorneri pillugit, qassutikut orsussanngortinnissaanut teknologi pillugu, app-it assigiinngitsut soorlu qassutit imaanut annaaneqarsimasut nalunaarsornissaanut, saliinermi paasissutissanik katersinermut nalunaarsuiffiit imaluunniit kajumissutsiminnik sulerusuttut atugassiaattut il. il.
Ilisimalikkat, misilittakkat isumassarsiallu atorluarneqarsinnaasut CSR Greenlandip Saligaatsumik suliniuteqaqqinnissamini immaqalu avatangiisit pillugit suliniutini allani atorniarpai.
