Plastik pillugu isumasioqatigiinneq
CSR Greenland aammalu WWF Verdensnaturfonden januaarip 29-ani plastik pillugu isumasioqatigiissitsipput. Suliffeqarfiit Namminersorlutik Oqartussat peqatigalugit inuussutissarsiornermut, atuisunut kiisalu pisortat pisussaaffiinut sammivilinnik saqqummiipput.
Saqqummiinerit kingorna peqataasut eqimattakkuutaarlutik saqqummiussat oqallisigaat. Oqallisigineqartut aallaavigalugit peqataasut Avatangiisinut Naalakkersuisumut aaqqissuisut tunniussassaannik inassutiliorput.
Peqataasut isumaqarput makku periusissiornermi sulissutigineqartariaqartut: paasissutissanik avitseqatigiinneq, paasissutissiisarneq, akimmiffiusinnaasunik qulaajaaneq, aammalu suliffeqarfinnik atuisunillu peqataatitsineq. Minnerunngitsumillu piumasaqarsinnaaneq pisariaqartoq isumaqarfigaat.
Aningaasaleeqataasut: Avatangiisinut Aningaasaateqarfik, WWF Verdensnaturfonden, Sulisitsisut aammalu CSR Greenland.
