Ukiut qulit Saligaatsoq peqatigalugu
Ukiumut ataasiarluni saliineq, ataavartumik ingerlanneqartoq
Ukiut qulit matuma siorna Saaligaatsoq ingerlanneqaqqaarpoq. Suliniutaasup tungavigaa, illoqarfimmi eqqakkat Kalaallit Nunaanni avatangiisitsinnut pinngortitami kusanartumi naleqqutinngimmata. Tamatuma kingorna Namminersorlutik Oqartussat, kommunit, sumiiffinni suliffeqarfiit, peqatigiiffiit, atorfeqarfiit, piumassutsiminnik suleqataasut, ilinniagaqarfiit aamma ulluunerani paaqqinnittarfiiit, ukiut tamaasa Saligaatsup ullormi aalajangersimasumi suleqataasalersimapput.
Saligaatsoq suliffeqarfiit suleqatigiinnerannut qitiulersimavoq, tassani pissutsit assigiinngitsut ukkatarineqalerlutik:
- Meeqqanik inuusuttunullu erseqqissaassuteqarneq peqataatitsinerlu
- Paasisitsiniaanikkut pissuserisanik allanngortitsiniarnermik ukkataqarneq aamma inuit akornanni attaveqaatinik atuinikkut
- Takornariaqarnermik ingerlataqartut peqataanissamut piumassussianik naaperiaaneq
- Paasissutissanik Nunani avannarlerni immami eqqakkanik attaveqarfiit aqqutigalugit katersuineq
- Kalaallit Nunaanni aningaasat kaaviiaartinnissaannut periarfissat
- il.il.
Piffissap ingerlanerani Saligaatsoq naleqqukkiartuinnalersimavoq, aamma nunarsuaq tamakkerlugu pinngortitamut tunngatillugu inuit pilersitaannik unnamminartut ukkanneqaluttuinnarneri peqqutigalugit.
Saligaatsup ukiuni qulinngortorsiornerani CSR Greenland-ip, ukiut ingerlanerini peqataasimasut qutsavigai, taakkua tamarmik takutippaat, ingammik avatangiisit pinngortitarlu pineqaraangata ataatsimoorluni suleqatigiinneq iluaqutaasinnaasoq.
