Ilaasortat nutaat
CSR Greenland-ip nuannaarutigaa ilaasortat nutaat tikilluaqqussallugit:
- Greenland Holding
- Greenland Ruby
- Greenland Oil Spill Response
- VisioBox
- Nanortalik Malerforretning ApS
- Nanco ApS
- NAN VVS ApS
- Nunatta Atuagaateqarfia
Greenland Holding ilaasortaaneq pillugu
– Greenland Holdingimi FN-ip nunarsuarmi anguniagaa pillugu aamma CSR-imi suliaqarneq tamakkiisumik isigalugit iliuusissiornissamik suliaqarluta aallartinnikuuvugut. Tassunga atatillugu CSR Greenlandimut ilaasortanngornissarput pissusissamisoortutut isigisimavarput. CSR Greenlandip aaqqissuussai suliniutaailu aqqutigalugit isumassarsianik misilittakkanillu aallernissarput aammattaaq ilaasortat allat suleqatigilernissaanut qilanaarivarput. Greenland Holdingimi siunertarivarput Kalaallit Nunaanni inuussutissarsiornikkut ineriartortitsinermi ikorfartueqataassalluta, taamatullu iliortarpugut ingerlatseqatigiiffiutigut Greenland Venture aamma Innovation Greenland aqqutigalugit, taakkunanilu Kalaallit Nunaanni inuussutissarsiornermut suliffeqarfiusuni mikisuni anngajaanilu annertuumik attuumassuteqarfigivagut. Taamaattumik siammasissumik attaveqarfigisatsinni CSR-imik suliaqarneq pillugu aamma FN-ip nunarsuarmi anguniagaa pillugu ukkatarinninnerulernikkut tapersersueqataanissarput aamma qilanaarivarput, taamatut oqarpoq Karsten Høy, Greenland Holdingimi pisortaaneq.
