Viden & Vækst – Erhvervsudvikling og Innovation i Arktis
Ataatsimeersuarnermut pissanganartumut ”Viden & Vækst – Erhvervsudvikling og Innovation i Arktis”-imut peqataagit
Arctic Consensus-ip Aalborg Universitet, AAU Arctic suleqatigalugu inuussutissarsiortunut ataatsimeersuartitsineq ingerlatissavaat una qulequtaralugu ”Viden & Vækst – Erhvervsudvikling og Innovation i Arktis” (Ilisimasat ineriartornerlu – inuussutissarsiornermi ineriartorneq aamma issittumi nutaaliorneq). Ataatsimeersuarneq digitaliusumik ingerlanneqassaaq marsip 16-iani aamma 17-ani 2021, ulluni taakkunani nal. 12.00 – 16.00.
Programmip imarisai tassaapput aammaalluni oqalugiarnerit ukunaniit; Jenis av Rana, Nunanut allanut aamma Ilinniartitaanermut Naalakkersuisoq aammalu issittumi ilisimatuut inuussutissarsiornermilu pisortaasunit ilanngussaat.
Ulloq siulleq ilisimatusarnerup inuussutissarsiornerullu suleqatigiinnerannit periarfissat nalitusaanerlu ukkatarineqassapput. Ullup aappassaanni ukkatarineqassaaq siumut isigaluni suleqatigiinneq aamma qanoq isumassarsiat piviusunngortinneqarsinnaanersut.
Una tooruk, ataatsimeersuarnissaq pillugu sukumiinerusumik paasisaqarusukkuit, programmilu tamakkiisoq takullugu aamma peqataanissamut nalunaarlutit (peqataaneq akeqanngilaq). Qupperneq nutarterneqallattaarumaarpoq.
